မပြောင်းပါဘူး။ အဲဒီအစား ကျွန်ုပ်တို့ရဲ့ ယုံကြည်ချက်တွေက ကျမ်းစာနဲ့ ကွဲလွဲနေရင် ကိုယ့်ယုံကြည်ချက်တွေကိုပဲ ပြောင်းလဲပါတယ်။

 ကမ္ဘာသစ်ဘာသာပြန်ကျမ်း ကို ၁၉၅၀ပြည့်နှစ်မှာ ထုတ်ဝေခဲ့ပါတယ်။ အဲဒီမတိုင်ခင် အစောကြီးကတည်းက ကျမ်းစာကို ကျွန်ုပ်တို့ ဆန်းစစ် လေ့လာခဲ့ကြပါတယ်။ ရနိုင်တဲ့ ဘယ်ဘာသာပြန်ကျမ်းကိုမဆိုသုံးပြီး ကျွန်ုပ်တို့ရဲ့ ယုံကြည်ချက်တွေကို ကျမ်းစာနဲ့အညီ တည်ဆောက်ခဲ့ကြတယ်။ ယေဟောဝါသက်သေတွေ နှစ်ရှည်လများ ယုံကြည်ခဲ့တဲ့ ယုံကြည်ချက်တချို့ကို လေ့လာကြည့်ပြီး ဒီယုံကြည်ချက်တွေက ကျမ်းစာနဲ့ ကိုက်ညီမှု ရှိမရှိဆိုတာ သင်ကိုယ်တိုင် ဆုံးဖြတ်ပါ။

1.  ၁။ ကျွန်ုပ်တို့ ယုံကြည်ရာ– ဘုရားသခင်က သုံးပါးပေါင်းတစ်ဆူ မဟုတ်ပါဘူး။ ၁၈၈၂၊ ဇူလိုင်လထုတ် ဇိအုန်ကင်းမျှော်စင်မှာ ဒီလို ပြောထားတယ်– “ယေဟောဝါ၊ ယေရှုနဲ့ သန့်ရှင်းသောဝိညာဉ်တော်ကို ကျွန်ုပ်တို့ယုံကြည်တယ်။ ဒါပေမဲ့ ကျမ်းစာနဲ့လုံးဝမညီတဲ့ ပုဂ္ဂိုလ်တစ်ပါးတည်းမှာ ဘုရားသုံးပါးရှိတယ်၊ ပုဂ္ဂိုလ်သုံးပါးပေါင်းရင် ဘုရားတစ်ဆူဖြစ်တယ်ဆိုတဲ့ သွန်သင်ချက်ကိုတော့ ကျွန်ုပ်တို့လက်မခံဘူးဆိုတာ စာဖတ်သူတွေ သိကြတယ်။”

    ● သမ္မာကျမ်းစာ သွန်သင်ရာ– “ငါတို့၏ဘုရားသခင် ထာဝရဘုရားသည် တစ်ဆူတည်းသော ထာဝရဘုရားဖြစ်တော်မူ၏။” (တရားဟောရာ ၆:၄၊ သမ္မာကျမ်း) “ငါတို့အဖို့မှာ အဖခမည်းတော်ဘုရား တစ်ပါးတည်းသာလျှင် ရှိတော်မူ၏။ ကိုယ်တော်သည် ခပ်သိမ်းသောအရာတို့ကို ဖန်ဆင်းတော်မူ၏။ ကိုယ်တော်၏အဖို့ ငါတို့အသက်ရှင်ကြ၏။ ငါတို့မှာ အရှင်သခင်တစ်ပါးတည်းသာလျှင် ရှိ၏။ ထိုအရှင်သခင်ကား ယေရှုခရစ်ပေတည်း။ ထိုအရှင်အားဖြင့် ခပ်သိမ်းသောအရာတို့သည် ဖန်ဆင်းခြင်းကို ခံကြရ၏။ ထိုအရှင်အားဖြင့် ငါတို့သည် အသက်ရှင်ကြ၏။” (၁ ကောရိန္သု ၈:၆၊ ခမ) ယေရှုကိုယ်တိုင်လည်း “ငါ့ခမည်းတော်သည် ငါ့ထက် သာ၍ကြီးမြတ်တော်မူ၏” လို့ပြောခဲ့တယ်။—ယောဟန် ၁၄:၂၈၊ သမ္မာကျမ်း။

2.  ၂။ ကျွန်ုပ်တို့ ယုံကြည်ရာ– ထာဝစဉ်ညှဉ်းဆဲတဲ့ မီးငရဲဆိုတာ မရှိပါဘူး။ ၁၈၈၂၊ ဇွန်လထုတ် ဇိအုန်ကင်းမျှော်စင်မှာ ဂျိမ်းစ်ဘုရင်ဘာသာပြန်ကျမ်းထဲက ရောမ ၆:၂၃ ကို ကိုးကားထားတဲ့ “အပြစ်တရား၏ အခကား သေခြင်းပေတည်း” ဆိုတဲ့ဆောင်းပါးက ခုလိုဖော်ပြထားတယ်– “ဒီဖော်ပြချက်က ရိုးရှင်းလွန်းပါတယ်။ ဒါပေမဲ့ ကျမ်းစာကို ဘုရားရဲ့စကားတော်အဖြစ် လက်ခံပါတယ်လို့ ဆိုသူတွေက ဒီရိုးရှင်းတဲ့ အမှန်တရားနဲ့ ဆန့်ကျင်ဘက်ဖြစ်တဲ့ အပြစ်တရားရဲ့အခက မီးငရဲမှာ ထာဝစဉ်ညှဉ်းဆဲခြင်းဖြစ်တယ်လို့ ကျမ်းစာသွန်သင်တယ်ဆိုပြီး အခိုင်အမာပြောနေကြတာ ဘယ်လောက် အံ့သြဖို့ကောင်းလိုက်သလဲ။”

    ● သမ္မာကျမ်းစာ သွန်သင်ရာ– “ပြစ်မှားသောဝိညာဉ်သည် အသက်သေရမည်။” (ယေဇကျေလ ၁၈:၄၊ ၂၀၊ သမ္မာကျမ်း) ဘုရားစကားနားမထောင်သူတွေအတွက် နောက်ဆုံးပြစ်ဒဏ်က ထာဝစဉ်ညှဉ်းဆဲခံရမှာမဟုတ်ဘဲ “ထာဝရပျက်စီး” မှာဖြစ်တယ်။—၂ သက်သာလောနိတ် ၁:၉၊ ၁၀၊ သမ္မာကျမ်း။

3.  ၃။ ကျွန်ုပ်တို့ ယုံကြည်ရာ– ဘုရားသခင့်နိုင်ငံတော်ဆိုတာ လူ့စိတ်နှလုံးထဲမှာ ရှိတာမဟုတ်ဘဲ တကယ်တည်ရှိတဲ့ အစိုးရတစ်ခုဖြစ်တယ်။ ၁၈၈၁၊ ဒီဇင်ဘာလထုတ် ဇိအုန်ကင်းမျှော်စင်မှာ ဘုရားသခင့်နိုင်ငံတော်နဲ့ပတ်သက်ပြီး ခုလိုဖော်ပြထားတယ်–“ဘုရားသခင့်နိုင်ငံတော်ကို တည်ထောင်ရတဲ့ ရည်ရွယ်ချက်ထဲမှာ မြေကြီးပေါ်က အစိုးရအားလုံးကို ဖယ်ရှားဖို့လည်း ပါဝင်တယ်။”

    ● သမ္မာကျမ်းစာ သွန်သင်ရာ– “လက်နှင့်မထုမလုပ်ဘဲ ကျောက်တစ်လုံးသည် တောင်ပေါ်က အလိုလိုပဲ့ကွာ၍၊ သံ၊ ကြေးဝါ၊ သရွတ်၊ ငွေ၊ ရွှေတို့ကိုချိုးဖဲ့သည်ကို မြင်တော်မူသည်အကြောင်းအရာမှာ ပျက်စီးခြင်းသို့မရောက်နိုင်သော နိုင်ငံတစ်ခုကို ထိုမင်းကြီးများလက်ထက်၌ ကောင်းကင်ဘုံရှင် ဘုရားသခင်သည် တည်ထောင်စေတော်မူမည်။ ထိုနိုင်ငံသည် အခြားသောလူမျိုးလက်သို့ မရောက်ရဘဲ အထက်ဆိုခဲ့ပြီးသော နိုင်ငံရှိသမျှတို့ကို ချိုးဖဲ့ဖျက်ဆီး၍ အစဉ်အမြဲတည်လိမ့်မည်။”—ဒံယေလ ၂:၄၄၊ ၄၅ သမ္မာကျမ်း။

 မဟုတ်ပါဘူး။ ကျွန်ုပ်တို့ရဲ့ ဟောပြောခြင်းလုပ်ငန်းမှာ ကျမ်းစာဘာသာပြန်ကျမ်း အမျိုးမျိုးကို အသုံးပြုနေကြပါတယ်။ ကမ္ဘာချီကျမ်းစာလေ့လာမှု အစီအစဉ်မှာ ကမ္ဘာသစ်ဘာသာပြန်ကျမ်းကို အခမဲ့ဝေငှနေပေမဲ့ တခြားဘာသာပြန်ကျမ်းတွေကို ပိုနှစ်သက်သူတွေနဲ့လည်း ကျမ်းစာဆွေးနွေးလိုကြပါတယ်။