ကူညီပေးနိုင်ပါတယ်။ ရှေးဟောင်းကျမ်းဂန်ဖြစ်တဲ့ သမ္မာကျမ်းစာမှာ ဘဝနဲ့ပတ်သက်တဲ့ အရေးကြီးတဲ့ မေးခွန်းတွေအတွက် အဖြေရှိပါတယ်။ အဲဒါက စိတ်သက်သာရာရစေပြီး သင့်ကို ပျော်ရွှင်စေတယ်။ သမ္မာကျမ်းစာ အဖြေပေးနိုင်တဲ့ မေးခွန်းတချို့ကို သုံးသပ်ကြည့်ပါ။

1.  ၁။ ဖန်ဆင်းရှင်ရှိသလား။ သမ္မာကျမ်းစာမှာ “အရာခပ်သိမ်းကို ဖန်ဆင်း” တာက ဘုရားသခင်ဖြစ်တယ်လို့ ဖော်ပြထားပါတယ်။ (ဗျာဒိတ် ၄:၁၁) ဖန်ဆင်းရှင်အနေနဲ့ ဘုရားသခင်ဟာ ကျွန်ုပ်တို့ဘဝမှာ ပျော်ရွှင်ဖို့နဲ့ အဓိပ္ပာယ်ရှိဖို့ ဘာလိုအပ်တယ်ဆိုတာ ကိုယ်တော်သိပါတယ်။

2.  ၂။ ဘုရားသခင်က ကျွန်ုပ်တို့ကို ဂရုစိုက်သလား။ သမ္မာကျမ်းစာမှာ ဘုရားသခင်ဟာ ကျွန်ုပ်တို့နဲ့ အလှမ်းဝေးလွန်းတယ်လို့ ဖော်ပြမယ့်အစား “ဘုရားသခင်သည် ငါတို့တွင် မည်သူနှင့်မျှ ဝေးတော်မူသည်မဟုတ်” လို့ ဖော်ပြထားပါတယ်။ (တမန်တော် ၁၇:၂၇) ကိုယ်တော်ဟာ သင့်ဘဝမှာ ဘာတွေဖြစ်ပျက်နေတယ်ဆိုတာကို စိတ်ဝင်စားပြီး သင်အောင်မြင်နိုင်ဖို့ ကူညီပေးလိုပါတယ်။—ဟေရှာယ ၄၈:၁၇၊ ၁၈; ၁ ပေတရု ၅:၇။

3.  ၃။ ဘုရားသခင်ကို သိခြင်းက ကျွန်ုပ်တို့ စိတ်သက်သာရာရအောင် ဘယ်လိုကူညီပေးနိုင်မလဲ။ ဘဝရဲ့အဓိပ္ပာယ်နဲ့ ရည်ရွယ်ချက်ကို ကျွန်ုပ်တို့ သိချင်ကြတာက “ဘုရားသခင်ကို မှီခိုရန်လိုကြောင်း သိမှတ်” တဲ့စိတ်နဲ့ ကျွန်ုပ်တို့ကို ဘုရားသခင် ဖန်ဆင်းထားလို့ဖြစ်တယ်။ (မဿဲ ၅:၃) ဘုရားသခင်ကို မှီခိုတယ် ဆိုတဲ့အထဲမှာ ဖန်ဆင်းရှင်နဲ့သိကျွမ်းလိုစိတ်၊ ကိုယ်တော်နဲ့ ရင်းနှီးခြင်းတို့ ပါဝင်တယ်။ သမ္မာကျမ်းစာမှာ “ဘုရားသခင်ထံတော်သို့ ချဉ်းကပ်ကြလော့။ ကိုယ်တော်သည်လည်း သင်တို့ထံ ချဉ်းကပ်တော်မူလိမ့်မည်” လို့ပြောထားတဲ့အတွက် ကျွန်ုပ်တို့ ဘုရားသခင်ကို သိကျွမ်းဖို့ကြိုးစားမယ်ဆိုရင် ကိုယ်တော် လှိုက်လှိုက်လှဲလှဲ ကြိုဆိုပါလိမ့်မယ်။—ယာကုပ် ၄:၈။

 ဘုရားသခင်နဲ့ ရင်းနှီးမှုရယူခြင်းက အဘက်ဘက်မှာ ကောင်းမွန်စေပြီး ဘဝကိုပျော်ပျော်ရွှင်ရွှင်နဲ့ နေထိုင်သွားနိုင်တယ်ဆိုတာကို သန်းနဲ့ချီတဲ့သူတွေ တွေ့ရှိခဲ့ကြပါပြီ။ ဘုရားသခင်ကို သိကျွမ်းခြင်းက သင့်ဘဝမှာ အခက်အခဲလုံးဝမရှိတော့ဘူးလို့ ဆိုလိုနေတာတော့မဟုတ်ပါဘူး။ ဒါပေမဲ့ သမ္မာကျမ်းစာက သင့်ကို

•   ပိုပြီးပျော်ရွှင်တဲ့ မိသားစုဘဝ ရှိစေနိုင်တယ်

•   တခြားသူတွေနဲ့ သင့်မြတ်မှုရှိစေနိုင်တယ်

•   နာတာရှည်ရောဂါ၊ ငွေကြေးကြောင့်ဖြစ်တဲ့ ဖိစီးမှုနဲ့ စိတ်ကျဝေဒနာကို ရင်ဆိုင်နိုင်စေတယ်။

 သမ္မာကျမ်းစာကို အသုံးပြုတဲ့ ဘာသာတော်တော်များများဟာ တကယ်တော့ ကျမ်းစာသွန်သင်ချက်အတိုင်း မလိုက်လျှောက်ကြဘူး။ ဒါပေမဲ့ ကျမ်းစာအမှန်တရားကို ကြိုးစားလိုက်လျှောက်တဲ့ စစ်မှန်တဲ့ဘာသာက သင် ဘုရားသခင်ကို သိလာအောင် ကူညီပေးနိုင်ပါတယ်။