ǃHūbaib ǂhawase da ge mâ kurib hoaba. ǀGuiǃnāsa ǀguiba Jesub di ǁōba ra tsēdī, ǁîb ge mîmā khami. (Lukab 22:19) Nē ǁaxasib ge ra huida, î da ǁnauǃā, ǂhâǂhâsasib tae-i ǃaromab ge Jesuba ǁîb ûiba khoen ǃaroma māsa. Tsî i ge ra ǁgau matis ǁîb ǁguibasa sida ûiga nēsis tsî hānîǁaeb ǃnâ nî tsâǀkhāsa.—Johaneb 3:16.

 Jesub di ǁōb ǂâiǂâisensa du ga nē kuri hâǃnâ. Tamas ka io hâǃnâ tama i, xawe du mati ǁîb ǁguibasa xu ǃgâiba hō ǁkhā? Jesub ge ǀgam ǂhâǂhâsa xūn hîna da a dī ǁkhān xa ge ǁkhāǁkhā:

1.  1. Elob tsî Jesub xa ǁkhāǁkhāsen. ǁÎb ǀhomsi ǁGûba ǃoab ge ǀgore, ǀgores ǃnâb ge Jesuba ge mî: “Tsî nē ǀamo ûib ge sats, ǀgui ama Elotsa ǂans tsî Jesub Xristub sats ge sîba ǂans ti ra ǂâibasen.”—Johaneb 17:3.

2.  2. ǁKhāǁ khāsen du ra na ûiǂui. Jesub ge ge mî î da, ǁîb ǁkhāǁkhāde sida ûigu ǃnâ sîsenǂui. Aiǁgauseb ge ǃhommi di aoǁnâs ǀams ai ǁîb ‘mîde ǁnâu tsî ra dīna ge koa.’ (Lukab 6:46-48) ǁNās ǁkhās khamib ge ǀkhara ǃnā ti ai ge mî: “ǀKhaehe go ge hâ nēna go ga dīo.”—Johaneb 13:17.

 ǃNāsase du Elob tsî Jesub xa ra ǁkhāǁkhāsen ǂgao? Mati du ǁkhāǁkhāsen du go xūna nî sîsenǂuisa du ra ǁkhāǁkhāsen ǂgao? Nēn ge ǀnî xūn hîna huidu ǁkhāna.

 Sida ǁgamǀhaos Elobmîs ǁkhāǁkhā di ge ǂgui khoena ge hui în Elobmîsa ôaǃnâ. Tsî ǁîn ûigu ǃnâ sîsenǂui.

•   Elobmîs sarisa ǂgan di hâ ǃâba ǃoa ī re, ǃnāsase du ga ǁkhāǁkhāsen ǂgao o.

•   Elobmîs ǁkhāǁkhās tawa ǃgâise tsâ re di ǀon hâ vidioba kē tsî mû re matin Jehovab ǃoaba-aona Elobmîs ǁkhāǁkhāsa ra dī ǀgausa.

 Jehovab ǃoaba-aon ge ǀgamǃnāra wekheb ǃnâ ǁîn ǃoaba ǃkhaib tawa ra ǀhao. Nē ǀhaodi tawa da ge mati da ǁkhāǁkhāsen da ra xūna. Sida ûigu ǃnâ nî sîsenū ǀgausa ra ǁkhāǁkhāhe.

 Nē ǀhaodi ge Jehovaba ǃoaba tama khoen xas tsîna hâǃnâhe ǁkhā. Sadu ra hâ ǃādi mâsigu ǃoagu i ge nē ǀhaode, zooms tamas ka io ǃoaba ǃkhaib ai a dīhe ǁkhā.

•   Tae-e gaosib ǀhû-omi tawa ra ī? di ǀon hâ vidioba kē tsî mû re taena du nē ǀhaodi ai nî ǃâubasensa.

•   Sadu ǀgūse hâ ǃoaba ǃkhaiba hōs ǃaroma, ǀHaohâb ǀhaodi Jehovab di ǀHûǀguitimî-aon digu di hâ ǃâba ǃoa ī re.

 ǂGui khomaiǃâdi tsî vidion nē internets ǂhaweb ai hân ge nî huidu. Jesub xa ǃnāsase ǁkhāǁkhāsen tsî ǁîb ǁguibasa ǃgôaǃgâsa.

 Aiǁgause du ga matib ǀgui khoeb ǁōba ǂgui khoena ra huisa ǂan ǂgao o. “Jesus Saves—How?” tsî “Why Did Jesus Suffer and Die?” di ǀon hâ khomaiǃâ ra khomai re. Tamas ka io Jesuba tae-i ǃaroma ge ǁō? ti ǀon hâ vidioba kē re.