Jehovab di ǀHûǀguitimî-aon ge Elobmîs ǁkhāǁkhāsa ra dī, sao rana ǃkhōǂgā hâse:

• Hamma a Elo?

• Eloba tsâba te i ra?

• Ti ǃgâmeba ta mati a ǃgâiǃgâi ǁkhā?

• Ama ǂkhîba ta mati a ūhâ ǁkhā?

ǃNaga du ge hoaǃnâ-aixase ra Elobmîs ǁkhāǁkhās ǃgao dîhe dîdi ǃereamde nî mû.

Nē ǁkhāǁkhāsa mati ra dīhe? Sida ge “Elob” tamas ka io “ǃgameb” di hâ xoaǂamsa ra ǁhûi tsî nēs ǀkha ra ǃgûǀhao Elobmîs xoade ra ǀhaoǀhao. Nē xoade ǀgopeǀnōs ǃnâ-ū da ge ra mû Elobmîs tae-e ǁnās xa ra mîsa tsî da ge nēs ǃnâ-ū ra ǁgau Elobmîs hoa ǃereamde ūhâsa.

Tsî da ge Elobmîs ǁkhāǁkhās ǀkha huis ǃgao, Elobmîsa tae-e a ǁkhāǁkhā da ǁkhā? di ǀon hâ ǂkhanisa ra sîsen-ū. Nē ǂkhanis ge ǀnî hâ xoaǂamdi tsîna ra ǃhoaǃgao, aiǁgause Eloba amabes ǃnâ a ham? Jesuba a ham tsî sida ǃâubasensa a tae?

Elobmîs ǁkhāǁkhāsa matikō marisa ra ǂgan? Nē ǁkhāǁkhās ge a marioǃnâ tsî Elobmîs ǁkhāǁkhās ǃgao hâ ǂkhanin ge xū-e ǂgan tama hâ.

Elobmîs ǁkhāǁkhāsa matikōse a gaxu? ǂGui khoen ge ǀgui khamaba ra ǁamaǂui wekheb ǃnâ Elobmîs ǁkhāǁkhās ǃgao. Xawe nēsa i ge mâ khoe-i hoa-e ǁî-i mâsib ǃoagu a ǁhûi ǁkhā. Tsî da ge sida ǁnāsa ra ūǃoa.

Tae-e ra ī Elobmîs ǁkhāǁkhās du ga ra ǂhâba o? Elobmîs ǁkhāǁkhās ǃgao du ga ra ǂhâba o, o î ge Jehovab di ǀHûǀguitimî-aon di ǀgui-e sado nî sari. Sadu ǂhâba hâ ǃkhais tsî ǁaeb ai. ǁÎ-i ge sado nî ǁgau mati i Elobmîs ǁkhāǁkhāsa ra dīhe ǀgauba. Nēs xa du ga ǃgâibahe o, o du ge a aiǃgû ǁkhā.

Elobmîs ǁkhāǁkhāsa ta ga ūǃoa o, o ta ra Jehovab di ǀHûǀguitimî-aon di ǀgui kai? Hî-i. Jehovab di ǀHûǀguitimî-aon ge kaise a ǁkhoaxabahe khoena Elobmîs xa ǁkhāǁkhās xa, xawe da ge khoena ǁgari tama hâ în sida ǂgoms di ǃâ kai. Xawe da ge ǃgôasib ǀkha Elobmîs tae-e ra ǁkhāǁkhāsa ra ǁgau. Tsî da ge ra muǂan mâ khoe-i hoa-i aitsama nî ǁhûibasensa tae-e i ra ǂgoms tamas ka io ǂgom tama hâsa.—1 Petrub 3:15.