ǂHumib: Jehovab di ǃoab-aon ge kresmisa tsēdī tama. ǁÎn Jesub ǃnâ ǂgom tama hâ amaga.

Amab: Xristeǁî da ge a. Sida ge ra ǂgom, Jesub Xristub ǃnâ-ū ǀgui da nî orehesa.—ǃNaeǃkhaidi 4:12.

ǂHumib: Sadu ge ǀaokhoena ra ǀgora. Khoena du ra ǁkhāǁkhā o în tā kresmisa tsēdī.

Amab: Omaride da ge ra tsâba. ǁNā-amaga da ge ǁîna Elobmîsa xu ra ǁgau. Matin ǀgaisa ǀhōsaguside nî ūhâsa.

ǂHumib: “Kresmis gagab” ǀkhaegus dib, ǂkhîb hîna ǃhūbaib ai hâb tsî khoen ǃgâise ra hâ-ū gu ǀgauba du ge ra ǂoaǃnâ kaisen.

Amab: Dītsâ da ge ra ǀkhaegu tsî ǂkhîba hoaǁae ūhâsa. (ǂKhoamîdi 11:25; Romeǁîn 12:18) Aiǁgause, sida ǀhaodi tsî aoǁnâ sîsenni ge Jesub mîdi ǀkha ra ǃgûǀhao: “ǁAuse go ge hō, xuige ǁause mā.” (Mateub 10:8) ǁNāsa hâ tsî da ge Elob Gaosiba ǂgurose ra mâi. Ama ǂkhîba nî ǃhūbaib ai hauba.—Mateub 10:7.

• Jesub ge ge mî, î da ǁîb ǁōb xa ǂâiǂâisen. ǁÎb ǃnaetsēs ose.—Lukab 22:19, 20.

• Jesub Apostelgu tsî ǂgurokamǁaeb Xristeǁîn. Ge Jesub ǃnaetsēsa ge tsēdī tama hâ i. New Catholic Encyclopedia ǂkhanis ge ra mî: “ǁNā tsēsa tsēdīs ge 243ǁî kuri Jesub ǁōb khaoǃgâ gere tsēdīhe.” Jesub di ǀuniga aposteli ge ǁōs khaoǃgâ.

• ǁGauǁgau i ge a ǀkhai Jesub wge 25 Desember a ǃnaesa. Jesub ge ǃnae tsēs ge Elobmîs ǃnâ xoasa tama hâ.

• Sida ge ra ǂgom kresmis Elob mā-amsa ūhâ tama hâsa. Eloba ǂan tama khoen xas ge ǁnā tsēsa ge tsoatsoahe.—2 Korinteǁîn 6:17.

ǂGui khoen ge noxoba kresmisa ra tsēdī. Eloba ǂan tama khoen xas ge nētsēsa tsoatsoahe xawe. Tsî ǁnā tsēs ge Elobmîs ǂkhâǃnâsa ūhâ tama hâ. ǁNā tsēsa ra tsēdī khoen ge a dî ǁkhā: Tae-i ǃaroman Xristeǁîna ǁnā tsēsa tsēdī ǂgao tama? Tsî ǁnāsa tae-i ǃaroma ǁîna a kaiba?

Elobmîs ge ra mîba da, î da ǂâi. Tsî “gā-ai.” (Romeǁîn 12:1, 2) Elobmîs ge ra ǁkhāǁkhā da î da amaba ǃgôa. (Johaneb 4:23, 24) Khoen sida ra mû ǀgaub xa da ge ra ǂâi. Xawe da ge Elobmîs ra mîna ra ǃgâ ǂgao, ǃhuihe da ga xawe.

Sida ge aitsama ǁhûi hâ î da tā kresmisa tsēdī. Xawe mâ khoe-i hoa-i ge aitsama nî mîǁguibasen. Khoen ga kresmisa tsēdī o. O da ge ǁîna ǂkhā tama hâ.