Ipan ni tona i ta nojua uelis tijpias se Biblia uan tijpouas. Tlaj kuali kitlajtolkueptokej, kema tijpouas toTeotsij iTlajtol uelis timotemachis nopa tlajtoli tlen ijkuilijtok amo mopatlatok uan sanse kiijtoua kej uejkajkia kiijkuilojkej. * ¿Kenke Biblia amo monempolok, amo aka uelki kitsontlamiltik uan amo uelkej kipatlakej tlen tlamachtia? ¿Kenke tlauel ipati nopa amochtli?

Miakej maseualmej katli momachtiaj Biblia kiijtouaj sanse kej apóstol Pablo kiijtok: “ToTeko temakak nochi nopa tlatsejtseloltik Tlajkuiloli” (2 Tim. 3:16). Inijuantij kimatij toTeotsij kichijtok nojua ma tijpiakaj Biblia ipan ni tonali. Faizal, katli tikijtojkej ipan achtoui tlamachtili, momachtik Biblia pampa kinekiyaya kimatis se keski tlamantli. Tlauel kipaktik tlen momachtik, uan nima kiitak Biblia amo tlamachtia se keski tlamantli tlen tlamachtiaj ipan miak religiones. Nojkia tlauel kuali kiyolmatki kema kiyekok tlake mosentlalijtok kichiuas toTeotsij ipan Tlaltipaktli.

Faizal kiijtoua: “Nama temachtli nijmati toTeotsij nelia techmakatok ni Biblia tlen nijpixtok. Tlaj toTeotsij kichijchijki nochi tlen onka, uajka nojkia uelki kimanauik iTlajtol uan kichijki ma tijpiakaj ipan ni tonali. Tlaj nikijtoskia amo nelia toTeotsij iTlajtol, uajka kejuak nikijtoskia amo kipia chikaualistli. Na san se nimaseuali, ¿kenijkatsa uelis nikijtos toTeotsij amo kipia chikaualistli?” (Is. 40:8).