Tijnechkauiaj toTeotsij kema tikixmatij
ToTeotsij kipia miak chikaualistli uan nojkia kinextia kuajkuali tlamantli. Ya kineki ma tikixmatikaj uan ma timouampojchiuakaj iuaya, yeka techiljuia kenijkatsa eli (Juan 17:3; Santiago 4:8).
ToTeotsij kipia itoka
“Ma kimatikaj maseualmej ta motoka Jehová, san ta tlauel tiUeyi ipan nochi Tlaltipaktli” (SALMO 83:18, TNM).
Biblia kiijtoua san Jehová eli se Teotsij katli melauak uan ya kichijchijki Tlaltipaktli uan maseualmej. Yeka san ya kinamiki ma tijueyichiuakaj (Apocalipsis 4:11).
Jehová tlauel teiknelia
“ToTeko, yajaya teiknelijkayotl” (1 JUAN 4:8).
Jehová technextilia kenijkatsa eli ika tlen kiijtoua Biblia uan ika tlen kichijchijtok. San ya tlauel teiknelia, uan kinextia ika tlen kichiua. Kema tijchiuaj kampeka tikixmatisej Jehová, techpaleuia nojua tlauel ma tikiknelikaj.
Jehová tetlapojpoljuia
“Ta, titoTeko Dios tlen titetlapojpoljuia” (NEHEMÍAS 9:17).
Jehová kimati titlajtlakolejkej, yeka kineki techtlapojpoljuis. Tlaj tikiljuiaj ma techtlapojpoljui uan tijchiuaj kampeka ayokmo tijchiuasej tlen amo kipaktia, ya techtlapojpoljuis uan amo kema techtlatsakuiltis pampa timokuapolojkej (Salmo 103:12, 13).
Jehová kineki ma tijnojnotsakaj
“ToTeko itstok ininnechka nochi tlen kinotsaj. [...] Kintlakakilia kema kitsajtsiliaj ma kinpaleui” (SALMO 145:18, 19).
Jehová amo kineki ma tijchiuakaj uejueyi iljuitl yon ma tijtekiuikaj tlaixkopinkayomej kema tijueyichiuaj. Ya techtlakakilia kema timomaijtouaj, sanse kej se tetaj kintlakakilia ipilkoneuaj.
Tlen nojkia mitspaktis tikitas
TLEN BIBLIA KINANKILIA
¿Ajkia eli Jehová?
¿ToTeotsij san kiyakana se altepetl kej kichijki ika israeleuanij?
