¡KUALI XITLACHIXTOKAJ!

Kampa ueli tlauel tlauaki | ¿Tlake kiijtoua Biblia?

Ma kakisti ipan

“Ipan China tlauel tlatotonixki uan ni elki nopa expa verano kema tlauel tlauajki” (The Guardian, septiembre 7, 2022).
“Ipan se keski altepemej tlen África tlauel tlauaki uan ika ni elis makuili xiuitl kema tlauel tlauaki” (Noticias ONU, agosto 26, 2022).
“Ipan kipano tlajko Europa kiijtouaj uelis tlauel tlauakis. Amo kema kiampa panotoya ipan 500 xiuitl” (BBC News, agosto 23, 2022).

Miakej ixtlamatinij kiijtouaj nojua tlauakis uan teipa nojua tlauel kiampa panos. ¿Uelis timotemachisej teipa kuali tiitstosej? ¿Tlake kiijtoua Biblia?

Biblia ipa kiijtojtoya tlauel tlauakiskia

Biblia kiijtok ipan ni tonali panoskia ni tlamantli:

Kema tlauel tlauaki kichiua ayokmo ma onka tlakualistli. Ni kichijtok ma onka uejueyi mayantli, ma tlaijiyouikaj maseualmej uan ma mikikaj. Ni kichiua ma moaxiti tlen Biblia kiijtoua (Apocalipsis 6:6, 8).

¿Kenke nama tlauel tlauaki?

Biblia kiijtoua kenke kiampa pano, nopaya kiijtoua:

Ni kiijtosneki maseualmej amo kuali itstosej tlaj ininselti monauatisej. Miakpa, tlen inijuantij kitlapejpeniaj, kichiua tlauel ma tlatotonia uan ma tlauaki.

Miakej ixtlamatinij kiijtouaj maseualmej kichijtokej tlauel ma tlatotonia ipan nochi Tlaltipaktli. Nopa kichiua tlauel ma tlauaki kampa ueli.
Se keskij maseualmej san kinekij tlapijpiasej, yeka kitsontekij miak kuauitl, tlasokiuiaj uan amo kuali kitekiuiaj tlen onka. Ni ueliskia kichiuas ma tlami nopa atl tlen nojua mokaua.

Maske kiampa pano, Biblia kiijtoua teipa kuali tiitstosej.

¿Nelnelia uelis kuali tiitstosej teipa?

Biblia kiijtoua teipa toTeotsij kichiuas ma onka miak atl. ¿Kenijkatsa kichiuas?

1. ToTeotsij kintsontlamiltis “inijuantij tlen tlaxoleuayayaj ipan tlaltipaktli” (Apocalipsis 11:18). Ya kintsontlamiltis maseualmej katli san kinekij tlapijpiasej pampa kinempolouaj Tlaltipaktli uan kichiuaj ma tlauaki (2 Timoteo 3:1, 2).
2. “Ipan uaktok tlali momanas atl” (Isaías 35:1, 6, 7). ToTeotsij kichiuas ayokmo ma tlauaki uan kichiuas ni Tlaltipaktli ma eli tlauel yejyektsi uan nochipa ma onka atl.
3. “Ta tikatekia ni tlaltipaktli para ma tlaelilti” (Salmo 65:9). ToTeotsij kichiuas ma onka miak tlakualistli uan atl ipan Tlaltipaktli.