“Maske nijneki nijpouas Biblia, nimoiljuia amo kema uelis nijtlamipouas” (Briana, 15 xiuitl).

 Tlaj nojkia kiampa timoiljuia, ni tlamachtili tlauel mitspaleuis.

•  ¿Kenke moneki tijpouas Biblia?

•  Tlen mitspaleuis tijpouas Biblia

•  Tlen telpokamej uan ichpokamej kiijtouaj

 ¿Mitskuesiuiltia tijpouas Biblia? Uelis timoiljuia Biblia eli se amochtli tlen kipia miak iamayo, amo kipia uejueyi letras uan amo kipia tlaixkopinkayomej, uan yeka uelis mitspaktia tikitas televisión uan videos uan amo tijpouas Biblia.

 Ximoiljui ipan ni neskayotl: ximonejneuili tijpantia se cofre tlen kipia miak tomij. ¿Tlake tijchiuaskia? Uelis nima tijnekiskia tijtlapos.

 Biblia eli kejuak nopa cofre tlen kipia miak tlamantli tlen pajpatiyo. Nopaya tijpantis miak tlamachtili tlen mitspaleuis...

•   ... kuali tijtlapejpenis tlen tijchiuas.

•   ... kuali timouikas ininuaya motatauaj.

•   ... tikinpantis kuali mouampoyouaj.

•   ... amo tijkauas ma mitstetsopa tekipacholi.

 ¿Nelnelia se amochtli tlen kipia miak xiuitl uelis techpaleuis ipan ni tonali? Kena, pampa Biblia kiijtoua “toTeko temakak nochi nopa tlatsejtseloltik tlajkuiloli” (2 Timoteo 3:​16). Ni kiijtosneki nochi tlen Biblia tetlajtolmaka uala tlen toTeotsij katli kichijchijki nochi tlen onka.

 Se. Tlauel mitspaleuis tlaj tijpouas nochi Biblia. Tlaj kiampa tijchiuas mitspaleuis tikitas tlake nelnelia kiixtoma Biblia. Ma tikitakaj omej tlamantli tlen mitspaleuis:

•    Uelis tijpouas nopa 66 amochtli kej motejtekpantok. Xijpeualti ipan Génesis uan xijtlamilti ipan Apocalipsis.

•    Uelis tijpouas Biblia kej panotiajki se keski tlamantli.

 Xijchiua ni: Ipan tlaxeloli 4-A tlen pilamochtsi Tlen techpaleuis timomachtisej toTeotsij iTlajtol uelis tikitas tlen panok kema Jesús itstoya ipan Tlaltipaktli.

 Ome. Xijtemo se tlamachtili tlen mitspaleuis tikixnamikis nopa kuesoli tlen tijpia. Se neskayotl:

•   ¿Mitspaktiskia tikinpias kuali mouampoyouaj? Xijpoua nopa tlapoualistli tlen David uan Jonatán (1 Samuel, capítulos 18 uan tlami 20). Teipa, xijchiua tlen nesi ipan “Cómo encontrar amigos de verdad”, kiampa tlen kinpanok ni omej tlakamej uelis mitspaleuis.

•   ¿Mitspaktiskia amo tijchiuas tlen mitsyoltilana? Uelis tijpouas tlen kipanok José uan tikitas tlake kipaleuik amo ma tlajtlakolchiua (Génesis, capítulo 39). Teipa, xijchiua tlen nesi ipan “Cómo resistir las tentaciones” uan “Acusado falsamente”, nopaya tijpantis miak tlamachtili tlen mitspaleuis.

•   ¿Tijneki tijmatis kenijkatsa mitspaleuia kema timomaijtoua? Uajka xijpoua tlen kipanok Nehemías (Nehemías, capítulo 2). Teipa, xijchiua tlen nesi ipan “Jehová contestó su oración”, nopaya tijpantis tlamachtili tlen mitspaleuis.

 Xijchiua ni: Kema tijnekis tijpouas Biblia xijchiua kampa tlatsitsikatok, kiampa uelis timoyoliljuis ipan tlen tijpouas.

 Eyi. Uelis tijpouas se tlapoualistli o se salmo uan teipa timoyoliljuis kenijkatsa mitspaleuia. Teipa uelis timotlatsintokis:

•    ¿Kenke Jehová kichijki ma kiijkuilokaj ni ipan Biblia?

•    ¿Tlake nechmachtia tlen Jehová uan tlen kenijkatsa kichiua se tlenijki?

•    ¿Kenijkatsa uelis nechpaleuis tlen nijpojki?

 Xijchiua ni: Ximoiljui tlen uelis tijchiuas. Uelis tijtekiuis “Kej uelis tijpouas Biblia mojmostla” tlen eltok ipan jw.org uan nopaya uelis tikijkuilos kema tijpeualtik tijpoua Biblia.