Kemej onkak miak kuejmolmej kichiua maj amo kuali timomachilikan uan maj tikokolispeuakan. Akin kipanouaj miak taman tein amo kuali amo kichiajok tein kuali. ¿Keyej?

• Sekin amo kinekij ika tanemilijtoskej tein panos satepan.

• Oksekin tauanaj oso kikuij drogas.

• Sekin kinemiliaj ke nenkaj tinemij, yejua ika kemansa amo kinekijok nemiskej.

• Xa seki mokuejmoluan niman moyektaliskej oso xa kemej amo tikonchiaya.

• Komo amo moyektaliaj uelis tikonchiuas teisa tein mitsonpaleuis xiontaxiko.

• Biblia kijtoua ke nochi kuejmolmej amo uejkaua moyektaliskej.

Biblia kijtoua: “Maj amo keman namechtekipacho tein mostika panos, porin mostika no namechtekipachos okseki taman. Sayoj xitanemilikan itech kuejmol tein onkas sejse tonal” (Mateo 6:34, TNM).

Ika xiontanemili sayoj se tonal. Maj amo mitsontekipacho tein tikonchiuas mosta porin ijkon amo tikonchiuas tein axkan tikonixtalijtok.

Komo semi mitsontekipachoua tein amo kuali tein ueliskia panos, kichiuas xionmotayokolti uan amo xikonchiaok tein kuali.

Akin kijkuiloj se nekuikatil tein ixnesi itech Biblia kiluij Dios: “Motajtol se tauil tein nechmetstauilia uan se tanex itech ojti kampa ninejnemi” (Salmo 119:105). ¿Toni kijtosneki nejon?

Se lámpara uelis techpaleuis maj tikmatikan kani uelis titaksaskej keman youak. No ijkon Biblia kuali techyolmajxitia para tikmatiskej toni tikchiuaskej keman tikixpejpenaskej teisa tein ouij.

Tanex ueli techpaleuia maj titachiakan taixpan. No ijkon, Biblia technextilia tein kuali tein mochiuas amo uejkaua.