Tejuatsin uelis tikonselis tatiochiualismej tein toTajtsin Dios akin techtasojta techmakas
¿Tikonuelitaskia tionnemis kampa amo onkak neteuilismej, teikamauiltilis uan kampa amo akin takuejmolchiua?
¿Tikonuelitaskia maj amo tikokolispeuakan, titajyouikan nion timomikilikan?
¿Tikonuelitaskia amo tionmotekipachosok?
¿Tikonnemilia keniuj tionnemiskia komo amo mochiuaskiajok tetsaujmej?
Nejin amo se takochitalis. Akin kichijchiuak taltikpak semi techtasojta, uan techiluia ke uelis tinemiskej nochipaya ika yolpakilis uan yolseuilis.
Itech nejin amaix monankilis nejin netajtanilmej:
¿Yekmelauj techtasojta toTachijchiujkauj?
¿Toni techmachtia iTajtol Dios?
Ne uejkauj moajsiaj sekin akin kitematiltiayaj tein Dios kijtouaya, ¿toni kijtojkej ke Dios kichiuas satepan?
¿Keniuj techpaleuia Dios maj tiyolpakikan axkan uan satepan?
Yekinika maj tikitakan seki taman tein kinextia ke toTachijchiujkauj techtasojta.
