TANEJMACHTIJKEJ 2023, tapoual 1 | Biblia uelis kinpaleuis: Akin semi tayokoyaj
Noyampa taltikpak miakej semi tayokoyaj porin kipiaj se kokolis itech inintanemilil kemej depresión oso ansiedad. Nejin uelis kipanos akin yeski, maski tein yeski xiuit kipias, kampa yeski nemis, taneltokalis tein kipias, kipias tomin oso amo uan kipias se kuali nemachtil oso amo. Sayoj ke, ¿toni kijtosneki keman tikijtouaj kokolis itech se itanemilil uan keniuj miakej kinijtakoua? Nejin amaix ika tajtos keyej semi moneki maj tiktemokan tapajtilis tein tapaleuis uan keniuj Biblia uelis kinpaleuis akin kipiaj nejin kokolis.
Okachi momiakilijtokej akin kipiaj se kokolis itech inintanemilil
Nejin kokolis uelis kipanos akin yeski, maski tein yeski xiujmej kipias oso kampa yeski nemis. Xikonita keniuj Biblia uelis mitsonpaleuis xionpakto.
Dios kineki mitsonyekpias
¿Keniuj tikmatij ke Jehová kuali kimati tein tiknemiliaj uan tein tikmachiliaj?
1 | Netataujtil: “Xikauilikan nochi tein namechtekipachoua”
¿Yekmelauj uelis tikoniluis Dios tein yeski taman tein mitsontekipachoua? ¿Keniuj netataujtil kinpaleuia akin kipiaj ansiedad?
2 | “Itajtol Dios techyolseuia”
Biblia kijtoua ke amo uejkaua amo techtajyouiltisok tein amo kuali tein tikmachiliaj.
3 | Biblia ika tajtoua seki itekitikauan Dios
Biblia ininka tajtoua miakej takamej uan siuamej akin momachiliayaj kemej tejuan. Komo timomachtiaj tein kinpanok, xa tikitaskej ke amo sayoj tejuan amo kuali timomachiliaj.
4 | Tein kijtoua Biblia semi tapaleuia
Xikonita keniuj seki textos tein moajsij itech Biblia uan tikonixtalis tikonchiuas seki taman, mitsonpaleuiskej xikonixnamiki kokolis itech motanemilil.
¿Keniuj uelis tikinpaleuiskej akin kipiaj se kokolis itech inintanemilil?
Komo tikpaleuia se akin kipia se kokolis itech itanemilil okachi kuali momachilis.
