¿Kiniluiaj itaixpantijkauan Jiova katiyejua películas, tatsotson, oso amaixmej moneki kiixtopeuaskej?
Amo. Tonechikol amo techiluia katiyejua películas, tatsotson oso amaixmej kuali yetok maj ika timoixpetanikan uan katiyejua amo. ¿Keyej?
Biblia kinextia ke tinochin moneki tiktekitiltiskej totaajsikamatilis tein techpaleuis maj tikmatikan toni kuali yetok uan toni amo kuali yetok (Hebreos 5:14).
ITajtol Dios kipia tayolmajxitilis tein techpaleuia maj kuali titaixejekokan keman tikixpejpenaskej tein ika timoixpetaniskej. a Ijkon kemej okseki taman tein no moneki tikixpejpenaskej, tiknekij nochipa tiktakamatiskej Efesios 5:10, Traducción del Nuevo Mundo, tein kijtoua: “Xiksentokakan xikyekitakan toni kiselia toTajtsin”.
Dios kiixtalij tepopaj maj kinixyekana ikalyetouanij, yejua ika tepopaj kinamiki kijtos tein ika uelis moixpetaniskej uan toni ika amo (1 Corintios 11:3; Efesios 6:1-4). Sayoj ke itech nechikol, amo akin uelis kijtos ox amo kuali yetok se película, se tatsotson oso aksa akin motelixmati uan nion kijtos tein yejua kiita ke kuali yetok uan tein amo (Gálatas 6:5).
a Kemej neskayot, Biblia senkis kiixtopeua naualot, auilnemilis uan neteuilis; yejua ika, nochi neixpetanilis tein mouika ika nejin taman amo kuali yetok (Deuteronomio 18:10-13; Efesios 5:3; Colosenses 3:8).
