Achto ma tikmatikan tlen melauak panoua
¿Tleka sekimej techikoitaj?
Miakej kineltokaj tlen amo melauak opanok, ik non, techikoitaj. Ma tikitakan tleka ijkon tikijtouaj:
-
Akinmej tetlakeuaj mokuayejyekouaj siuamej amo uelis kichiuaskej seki tekitl nion uelis kichiuaskej tlen kichiuaj ixtlamatkej.
-
Itech Edad Media ompa Europa, sekimej okintlajtlakoltijkej judíos porque okijtojkej judíos okitlalijkej veneno itech pozos kanin meya atl uan ik non, miakej omokokojkej. Ijkuak okatkaj nazis, noijki sekimej okijtojkej tlen amo melauak itech judíos uan noijki okijtojkej yejuan intlajtlakol amo okatka tomin ompa Alemania. Ijkuakon sapanoua okinchikoitakej judíos uan axkan sekimej ok kinchikoitaj.
-
Miakej mokuayejyekouaj akinmej amo tlachiaj, akinmej amo tlakakij, akinmej amo ueli nejnemij uan oksekimej, nochipa san moyolkokouaj noso yolchichiaj.
Ijkuak kinmitaj akinmej ijkon mokokouaj, kijtouaj melauak tlen yejuan mokuayejyekouaj. Noijki kijtouaj xoxojtin akinmej amo mokuayejyekouaj ken yejuan.
Principio bíblico
“Amo kuali tla ikaj amitlaj kimati” (PROVERBIOS 19:2).
¿Tlen techmachtia non texto? Tla amo tikmatij nochi tlen opanok, uelis tikijtoskej tlen amo melauak. Tla tikneltokaj tlen oksekimej kijtojtinemij, san titlateneuaskej.
¿Ken techpaleuia tikmatiskej tlen melauak?
Ijkuak ikaj kuali tikixmatij, amo tikneltokaj ijkuak oksekimej kijtoskej ye kichiua tlen amo kuali. Ijkuak tikitaj amo melauak tlen kijtouaj, xamo ayakmo tikneltokaskej ijkuak techiluiskej oksekimej noijki kichiuaj tlen amo kuali.
¿Tlen uelis tikchiuas?
-
Amo ximokuayejyeko nochtin kichiuaj tlen amo kuali. Maski sekimej kichiuaj itlaj amo kuali, non amo kijtosneki nochtin ijkon kichiuaj.
-
Xikilnamiki amo tikmati nochi tlen kichiuaj oksekimej.
-
Tla tikneki itlaj tikmatis, xikintlajtlani akinmej melauak kimatij.
