IHubo 65:1-13
Kumqondisi wokuhlabela. Ihubo likaDavida. Ingoma.
65 Awu Nkulunkulu, uzadunyiswa eZiyoni.+
Sizazigcwalisa izifungo esizenze kuwe.+
2 Wena olalela imithandazo, yonke imihlobo yabantu izakuza kuwe.+
3 Izono zami ziyangisinda,+Kodwa wena uyazithethelela iziphambeko zethu.+
4 Uyathokoza umuntu omkhethayo umsondeze eduze kwakho,Ukuze ahlale emagumeni akho.+
Sizasuthiseka ngezinto ezinhle esizithola endlini yakho,+Ethempelini lakho elingcwele.*+
5 Nkulunkulu wethu osisindisayo,Uzasiphendula ngokusenzela imisebenzi yokulunga emangalisayo.+
Bonke abantu emhlabeni bathembele kuwe,+Labaphetsheya kolwandle bathembele kuwe.
6 Wamisa izintaba zaqina ngamandla akho,Ulamandla amangalisayo.+
7 Uyaluthulisa ulwandle olulolaka,+Uthulise amagagasi alo alamandla, lezizwe ezixokozelayo.+
8 Abantu abahlala ezindaweni ezikhatshana bazamangaliswa yizenzo* zakho,+Uzakwenza labo abahlala empumalanga lasentshonalanga bamemeze ngentokozo.
9 Uyawunakekela umhlaba,Uwenze uvunde futhi uthele kakhulu.+
Ugcwalisa imifula ngamanzi,Unike abantu ukudla.+
Le yiyo indlela owenze ngayo umhlaba.
10 Wenza imigelo esemasimini igcwale amanzi, lomhlabathi olinyiweyo ulingane.
Unisa izulu umhlabathi uthambe, wenze okuhlanyeliweyo kumile.+
11 Uyawucecisa umnyaka ngezinto ezinhle, kube angathi uwugqokise umqhele.
Izindlela zakho zigcwele okuhle.+
12 Amadlelo asenkangala agcwele utshani obuluhlaza,+Amaqaqa agcwele intokozo.+
13 Emadlelweni kulemihlambi eminengi,Lezigodi zisibekelwe ngamabele.+
Konke kuyahlabela, kumemeze ngentokozo.+
