IHubo 69:1-36
Kumqondisi wokuhlabela; lihamba lomculo othi “Amaluba.” Ihubo likaDavida.
69 Ngisindisa awu Nkulunkulu, ngoba sengigalula.+
2 Sengitshone edakeni, akulandawo eqinileyo enginganyathela kuyo.+
Ngiphakathi kwamanzi atshonayo,Ngithethwe ngumfula olamanzi ageleza ngesiqubu esikhulu.+
3 Sengimemeze ngaze ngaphela amandla,+Lelizwi selitshile.
Amehlo ami asefiphele ngilokhu ngilindele uNkulunkulu wami.+
4 Labo abangizonda ngingonanga lutho+Banengi kulenwele ezisekhanda lami.
Sebebanengi abafuna ukungibulala,Labo abayizitha zami labangamaqili.
Bangibamba ngamandla ukuthi ngibuyisele lokho engingakutshontshanga.
5 Awu Nkulunkulu, uyabazi ubuthutha bami,Lesono sami asifihlekanga kuwe.
6 Labo abathembele kuwe kabangayangeki ngenxa yami,Awu Nkosi Enkulu, Jehova wamabutho.
Labo abakudingayo kabangehlelwa lihlazo ngenxa yami,Awu Nkulunkulu ka-Israyeli.
7 Ngiyathethiswa ngenxa yakho,+Sengiyangeke kakhulu.+
8 Kubafowethu sengingumuntu wokuza,Abantwana bakamama sebengiphatha njengowezizweni.+
9 Ngiyayitshisekela indlu yakho,+Lamazwi alabo abakuthethisayo ehlele phezu kwami.+
10 Ngesikhathi ngizile ukudla ngizehlisa*Ngathethiswa.
11 Lapho ngigqoke isembatho sesakaBangenza inhlekisa.
12 Abahlezi egedini ledolobho sebetshona bekhuluma ngami,Sengiyingoma yezidakwa.
13 Kwangathi ungawuzwa umthandazo wamiNgesikhathi esifaneleyo,+ awu Jehova.
Ngiphendula utshengise ukuthi ungumsindisi wami othembekileyo,+Ngoba uthando lwakho oluqotho lukhulu, awu Nkulunkulu.
14 Ngikhipha edakeni,Ungangiyekeli ngitshone.
Ngikhulula kulabo abangizondayo,Ungikhiphe emanzini atshonayo.+
15 Ungayekeli amanzi angikhukhule,+Ungavumeli ukuthi ngicwile enzikini yawo,Kumbe ukuthi ngidilikelwe ngumgodi.+
16 Ngiphendula awu Jehova ngoba uthando lwakho oluqotho luhle.+
Ngiphendula ngoba ulesihawu esikhulu.+
17 Ungangifihleli ubuso bakho.+
Ngiphendula masinyane ngoba ngikhathazekile.+
18 Sondela kimi ungikhulule,Ngisindisa ezitheni zami.
19 Uyakwazi ukuthethiswa lokuyangiswa kwami kanye lehlazo elingehleleyo.+
Uyazibona zonke izitha zami.
20 Ukuthethiswa kungilimazile ngaphakathi, isilonda sakhona aselapheki.*
Bengisithi bazangizwela kodwa abazange,+Bengisithi bazangiduduza kodwa abangiduduzanga.+
21 Banginike itshefu esikhundleni sokudla,+Bangipha iviniga ngesikhathi ngomile.+
22 Kwangathi itafula yabo ingaba ngumjibila kubo,Lenotho yabo ibathiye.+
23 Kwangathi amehlo abo angafiphala bangaboni lutho,Yenza imizimba yabo ihlale iqhuqha.*
24 Kwangathi ungathululela intukuthelo yakho phezu kwabo,Ulaka lwakho oluvuthayo lwehlele kubo.+
25 Lapho abahlala khona akusale kungamanxiwa,Kungabi lomuntu ohlala ematendeni abo.+
26 Baxotshanisa umuntu omtshayileyo,Baqhubeka bekhuluma ngobuhlungu babantu obalimazileyo.
27 Bethese elinye icala phezu kwamacala abo,Ungabatshengisi ukulunga kwakho.
28 Kabacitshwe ebhukwini labaphilayo.*+
Kabangabhalwa ndawonye labalungileyo.+
29 Kodwa mina ngiyahlupheka njalo ngisebuhlungwini.+
Awu Nkulunkulu, kwangathi amandla akho okusindisa angangivikela.
30 Ngizahlabela ngidumise ibizo likaNkulunkulu,Ngimkhazimulise ngokumbonga.
31 Lokhu kuzamthokozisa uJehova ukwedlula ukunikela ngenkunzi,Kuzamthokozisa ukwedlula ukunikela ngejongosi elilempondo lamasondo.+
32 Abamnene bazakubona lokhu bathokoze.
Inhliziyo zenu kazivuseleleke lina elidinga uNkulunkulu.
33 UJehova uyabalalela abayanga,+Kasoze abeyise abantu bakhe abathunjiweyo.+
34 Izulu lomhlaba akumdumise,+Lolwandle lakho konke okuhlala kulo akumdumise.
35 UNkulunkulu uzayisindisa iZiyoni,+Awakhe kutsha amadolobho akoJuda.
Bazahlala kuwo, ilizwe libe ngelabo.
36 Ilizwe lizakuba lilifa lezizukulwane zezinceku zakhe.+
Abathanda ibizo lakhe+ bazahlala kulo.
Amabala angaphansi
^ Ezinye inguqulo zithi, “Lapho ngilila ngizile ukudla.”
^ Kumbe, “sengikhathazeke kakhulu.”
^ NgesiHebheru, “inkalo zabo zihlale ziqhuqha.”
^ Kumbe, “lokuphila.”
