U-Isaya 11:1-16
11 Kuzahluma ugatsha+ esidindini sikaJese,+Ihlumela+ elizaphuma empandeni zakhe lizathela izithelo.
2 Umoya kaJehova uzahlala phezu kwakhe,+Umoya wokuhlakanipha+ lowokuzwisisa,Umoya wokweluleka lowamandla+Umoya wolwazi lowokwesaba uJehova.
3 Ukwesaba uJehova kuzamthokozisa.+
Kasoze ahlulele ngalokho akubona ngamehlo akhe,Kumbe akhuze kusiya ngalokho akuzwe ngendlebe zakhe.+
4 Uzabahlulela kuhle* abantukazana,Akhuze ngendlela efaneleyo esenzela abamnene bomhlaba.
Uzatshaya umhlaba ngentonga yomlomo wakhe*+Abulale ababi ngomoya wezindebe zakhe.+
5 Ukulunga kuzakuba libhanti ekhalweni lwakhe,Lokuthembeka lakho kube libhanti ekhalweni lwakhe.+
6 lzinyane lemvu leganyana kuzaphumula ndawonye,*+Ingwe ilale ndawonye lezinyane lembuzi,lsilwane lethole kanye lenyamazana enonileyo kuzakuba ndawonye,*+Njalo kuzakhokhelwa ngumfana omncane.
7 Inkomo lebhere kuzakudla ndawonye,Amathole enyamazana lezi alale ndawonye.
Isilwane sizakudla utshani njengenkunzi.+
8 Umntwana omunyayo uzadlalela lapho okulomlindi wephimpi khona,Lomntwana okhutshwe ebeleni uzafaka isandla sakhe emlindini wenyoka eyingozi.
9 Akukho okuzalimaza+Loba kudilize kuyo yonke intaba yami engcwele,+Ngoba emhlabeni kuzagcwala ulwazi olumayelana loJehovaNjengamanzi agcwele ulwandle.+
10 Ngalelolanga impande kaJese+ izakuma ibe yisibonakaliso* ebantwini.+
Izizwe zizakuya kuye zifuna ukucetshiswa,*+Lendawo yakhe yokuphumula izakhazimula.
11 Ngalelolanga uJehova uzakwelula isandla sakhe okwesibili ukuze abuyise abaseleyo bakhe abalokhu bese-Asiriya,+ eGibhithe,+ ePhatrosi,+ eKhushi,+ e-Elami,+ eShinari,* eHamathi kanye lasezihlengeni zolwandle.+
12 Uzaphakamisela izizwe isibonakaliso, aqoqe abako-Israyeli+ abasabaleleyo njalo abuthanise abakoJuda abahlakazekileyo emagumbini amane omhlaba.+
13 Umhawu ka-Efrayimi uzaphela,+Lalabo abamelana loJuda bazatshabalaliswa.
U-Efrayimi kasoze abe lomhawu ngoJuda,LoJuda kasoze amelane lo-Efrayimi.+
14 Bazakwehla behwitha ezindaweni ezehlileyo zamaFilisti, ngasentshonalanga;Bazabambana bathumbe impahla yabantu baseMpumalanga.
Bazakwelulela isandla sabo* ko-Edomi+ lakoMowabi,+Abako-Amoni babe ngaphansi kwabo.+
15 UJehova uzakwehlukanisa* umsele* wolwandle lwaseGibhithe,+Aphakamisele isandla sakhe phezu komfula.*+
Uzatshaya izifudlana zawo eziyisikhombisa* ngomoya wakhe otshisa bhe,Enze ukuthi abantu bachaphe begqoke amanyathela abo.
16 Kuzakuba lomgwaqo omkhulu+ ophuma e-Asiriya owenzelwe abantu bakhe abaseleyo,+Njengoba nje kwakulomgwaqo owawenzelwe ama-Israyeli ngelanga aphuma ngalo elizweni leGibhithe.
Amabala angaphansi
^ Kumbe, “ngokulunga.”
^ Kumbe, “ngamazwi omlomo wakhe.”
^ Kumbe, “kuzahlala ndawonye okwesikhatshana.”
^ Ezinye inguqulo zithi, “Ithole kanye lesilwane kuzakudla ndawonye.”
^ Kumbe, “Izizwe zizamdinga.”
^ Kumbe, “lugodo oluyisibonakaliso.”
^ Lapha kutshiwo ilizwe leBhabhiloni.
^ Kumbe, “Bazakwenza ukuthi amandla abo afike.”
^ Ezinye inguqulo zithi, “uzakomisa.”
^ NgesiHebheru, “ulimi lolwandle.”
^ Lapha kutshiwo umfula uYufrathe.
^ Ezinye inguqulo zithi, “Uzawutshaya wehlukane ube yizifudlana eziyisikhombisa.”
