Abantwabakho bangakufunda ukuthanda uNkulunkulu. Kodwa lokhu bangakwenza kuphela nxa belobufakazi bokuthi ukhona kanye lokuthi uyabathanda. Kuyabe kumele bamazi uNkulunkulu ukuze bamthande. (1 UJohane 4:8) Ngokwesibonelo kumele bakwazi ukuthi uNkulunkulu wabadalelani abantu. Kanti njalo kumele bakwazi ukuthi kungani evumela ukuthi kube lokuhlupheka, lokuthi uzabenzelani abantu kwelizayo.​—Bala uFiliphi 1:9.

Okumele ukwenze ukuze uncede abantwabakho ukuthi bamthande uNkulunkulu yikubatshengisa ukuthi wena ngokwakho uyamthanda. Nxa bangabona ukuthi uyamthanda, labo bangenza khonokho kanye oyabe ukwenza.​—Bala uDutheronomi 6:5-7; IZaga 22:6.

ILizwi likaNkulunkulu lilamandla. (KumaHebheru 4:12) Yikho nceda abantwabakho ukuthi bathole ulwazi oluqakathekileyo oluseBhayibhilini. Izinto uJesu ayezifundisa abantu zazingena zihlale ezinhliziyweni zabo. Lokhu kungenxa yokuthi wayebuza imibuzo, wayelalelisisa njalo wayebachasisela iMibhalo. Yikho-ke kungaba kuhle ukuthi lawe ufundise njengoJesu ukuze lokho okufundisa abantwabakho kungene kuhlale ezinhliziyweni zabo.​—Bala uLukha 24:15-19, 27, 32.

Kanti njalo kulezindaba eziseBhayibhilini ezimayelana lokuthi uNkulunkulu wayebaphatha njani abantu ezinganceda abantwabakho ukuthi bamazi futhi bamthande. Kulezinto ezikuWebhusayithi yethu i-www.mt1130.com ezingabasiza ukuthi bamthande uNkulunkulu.​—Bala u-2 Thimothi 3:16.