Kungani Kumele Sikhuleke Ngebizo LikaJesu?
Impendulo yeBhayibhili
Kumele sikhuleke kuNkulunkulu ngebizo likaJesu ngoba yiyo yodwa indlela uNkulunkulu ayamukelayo. UJesu wathi: “Mina ngiyindlela leqiniso kanye lokuphila. Kakho ongeza kuBaba ngaphandle kokuthi eze ngami.” (UJohane 14:6) UJesu watshela abaphostoli bakhe abathembekileyo wathi: “Ngiqinisile sibili ngithi kini, nxa lingacela loba yini kuBaba, uzalinika yona ebizweni lami.”—UJohane 16:23.
Ezinye izizathu ezenza sikhuleke ngebizo likaJesu
Sihlonipha uJesu loYise uJehova uNkulunkulu.—KwabaseFiliphi 2:9-11.
Sitshengisa ukuthi siyakunanzelela ukuthi ukufa kukaJesu yikho okwenza senelise ukuthola ukuphila okungapheliyo.—UMathewu 20:28; ImiSebenzi 4:12.
Siyawuqakathekisa umsebenzi kaJesu wokuba nguMmeli kaNkulunkulu osenza senelise ukuba lobuhlobo obuhle loNkulunkulu.—KumaHebheru 7:25.
Sitshengisa ukuthi siyawuhlonipha umsebenzi kaJesu wokuba nguMphristu oMkhulu osenza sibe lobuhlobo obuhle loNkulunkulu.—KumaHebheru 4:14-16.
Nanku Okunye
IMIBUZO YEBHAYIBHILI IYAPHENDULWA
Kumele Ngithandaze Kwabangcwele Yini?
Zwana ukuthi iBhayibhili lithi kumele sithandaze kubani.
INQABAYOKULINDA
Kungani Kumele Sithandaze Ngebizo Likajesu?
INQABAYOKULINDA
Ungathandaza Njani Ukuze UNkulunkulu Akuzwe?
Khuluma loNkulunkulu kungelani lokuthi kunini futhi ungaphi njalo ungakhuluma laye uphumisela amazwi loba ukhulumele enhliziyweni. UJesu wasinceda sabona ukuthi kuyini esingakutsho emithandazweni yethu.
