Ye uNkulunkulu uzakuncedisa nxa ungakhuleka ngokuvumelana lentando yakhe. Kodwa nxa ungakaze uthandaze, kungakunceda ukuhlola izibonelo eziseBhayibhilini zabantu abacela ukuthi uNkulunkulu abasize. Nanzi ezinye zakhona:

•   “Akungisize, O Jehova Nkulunkulu wami; ngisindisa ngokuya ngothando lwakho.”—IHubo 109:26.

•   “Kodwa mina ngiyahlupheka, ngiyaswela; sengathi uJehova angangikhumbula. Ulusizo lwami lomkhululi wami, O Nkulunkulu wami ungalibali.”—IHubo 40:17.

 Akuthandabuzwa ukuthi umlobi wamazwi la wayelokholo kuNkulunkulu. Lanxa kunjalo uNkulunkulu uyalalela imikhuleko esuka enhliziyweni ikakhulu eyalabo “abalenhliziyo ezephukileyo” kumbe “abadabukileyo emoyeni.”—IHubo 34:18.

 Kodwa akumelanga ucabange ukuthi uNkulunkulu ukhatshana kakhulu okokuthi kaboni okukuhluphayo. IBhayibhili lithi lanxa ‘uJehova ephakeme, uyabananza abathobekileyo, kodwa abazigqajayo ubazi ekhatshana labo.’ (IHubo 34:18) UJesu laye watshela abafundi bakhe wathi: “Ngitsho lenwele ezisemakhanda enu zibaliwe zonke.” (UMathewu 10:30) UNkulunkulu uyakwazi okwenzakala empilweni yakho ngoba amazwi la aveza ukuthi ukwazi lalokho wena ongakwaziyo. Lokhu kutshengisa ukuthi uzakulalela nxa ungathandaza kuye ucela uncedo.—1 UPhetro 5:7.