Imwimwi maverenga no kungwarira kese zvijijo zvo gore rino zvo Mungwaji? Asi wonanyi kuti mungakwanisa kudavira muvhunjo iji:

Muezaniso upi unopa Jehovha ngo mabatire atingaita vanakaji?

Iyena aana mukheto uye aadi maningi vanarume kupinda vanakaji. Mwari uno yaeya vanakaji uye esidakarira mulangariro wavo wokuitira vamweni hanya. Uye unovathemba kuti vaite basa lake.—Mungwaji wa Janeiro wo 2024 pheji 15-16.

Tingashandisisa kudini VaEfeso 5:7 iyo inoti: “Musabatana navo”?

Mu postori Pauro wainga esitingwaja kuti tisashamwarijana no vandhu vaizoita kuti zvitinese kuti tirambe tesitevejera mutemo yaMwari. Kushamwarijana uku kusito kunaka kungaizwa mumabhuisano otinoita no vandhu vatinogara navo kana navaya vatinobhuya navo mu interneti.—Mungwaji wa Março wo 2024 pheji 22-23.

Tinodikana kungwarira mukhaindinyi wo manyepo?

Tinodikana kungwarira shwiro jatisina cokwadi najo jinovha kushamwari jinocinangwa cakaita inga cakanaka uye no ma email jatingatumirwa kuvha ku vanhu vatisingazivi kanakuva panduki.—Mungwaji wa Abril wo 2024 pheji 12.

Icinyi catinoziva uye icinyi catisingazivi ngo pamusoro pokuti Jehovha unozotongesa kudini Mambo Soromoni pamwepo navaya vakafa mu Sodhoma no Gomora uye pa Ndambi?

Atizvizivi kuti Jehovha wakavaparaja no kusingaperi. Pasinenyi zvakadalo, tinoziva kuti Jehovha Mwari anonasa kuziva zvese uye iyena unozotonga ngo njira yo unyasha.—Mungwaji wa Maio wo 2024 pheji 3-4.

Kuva “Mukuru” ka Mwari kunotithembesenyi? (Dhe. 32:4)

Tingapsaka utiziro kuna Jehovha. Iyena wakathembeka uye unokwanirisa zvigondiso zvake. Uye wakagajana esilamba akagondeka paundhu wake no zvinangwa.—Mungwaji wa Junho wo 2024 pheji 26-28.

Icinyi cingamubesa kuti mujaere ungano ipsa?

Thembanyi Jehovha uwo unozotibesa inga zvaakaita kuvanamati vake vokare. Musaezanisa ungano yamuri no yomainga kare. Pindanyi muungano ipsa uye ejanyi kuva no ushamwari hupsa.—Mungwaji wa Julho wo 2024 pheji 26-28.

Zvijijo zvipi zvinobhuiwa mumufananijo mutatu jinowanika pana Mateu citsauko 25?

Muezaniso wo magundata no mbuji unovangisa kuva vakagondeka uye vakavimbika. Muezaniso wo mbhandara jakangwara no jakamatya unovangisa kuti tive takanasirira uye takangwarira. Uye muezaniso wo matarenda unovangisa kukosha ko kushanda ngo simba uye kuvangisira.—Mungwaji wa Setembro wo 2024 pheji 20-24.

Berere lo themberi yaSoromoni rairebesa kudini?

Pana 2 Makoronike 3:4, zvinyorwa zvimweni zvokare zvaiti: “Makubhiti 120” kana kuti ma metru 53 ourebu. Asi vhesi jimweni jakavimbika jinoti: “Makubhiti 20 ourebu,” kana kuti mametru 9 akakwirira. Izvi zvinokhombija kuti zviri nane no kupambhama ko biravira lo themberi.—Mungwaji wa Outubro wo 2024 pheji 31.

Zvinobhuyenyi kuti mubeseri wo ungano ave no mukaji umwe basi? (1 Tim. 3:12)

Zvinobhuya kuti wakarovora mukaji umwe basi uye aadikani kuita upombwe. Kusiyapo zvonazvo, aadidikani kukhombijira kudakarira mwanakaji umweni.—Mungwaji wa Novembro wo 2024 pheji 19.

Ngenyi tesibhuya kuti Johani 6:53 aito kugaja murairo wo kurhya kaShe ko madeko?

Johani 6:53 inobhuya ngozvo kukosha ko kurhya muviri wa Jesu uye kumwa ngazi yake. Jesu wakabhuya masoko aya mu gore la 32 Kristu aviya mu Garireya no vajudha vainga vanokutenda kudoko. Asi kurhya kaShe ko madeko kakatanga papera gore rimwe mu Jerusarema. Konayo Jesu wakabhuya na vaya vaanozotonga navo kudenga.—Mungawaji wa Dezembro wo 2024 pheji 10-11.