Isaya 25:1-12
25 Jehovha, imwimwi muri Mwari wangu.
Inini ndinomukuja, ndinosimba zina renyu,Ngokuti makaita zviro zvinoshamaisa,Makaita zviro zvamakaronga kuvhira kare,Ngo ugondeki no kuthembeka kwese.
2 Ngokuti makacinja dhorobha roita mututu wo mapuwe,Mocinja dhorobha rakavangiswa roita mathere.
Ndau yakavangiswa yo vonyikanja, aicaripizve dhorobha;Iyona aizovakiswizve.
3 Ngo kudaro, vandhu vakavanga, vanozomukuja;Dhorobha ro majinja anobzinyirira, rinozomuthya.
4 Ngokuti imwimwi maita inga ndau yakavanga yo mundhu wakaderera,Ndau yakavanga yo murombo ari kutambujika,Ndau yokutizira nvura ino mbhepo,No munvuriri kuitira kupisa.
Kufurija* ko vandhu vanobzinyirira pa kunoezana no mbhepo inohwisa mupfimbiji,
5 Inga kupisa kuri mu nyika yakavoma,Imwimwi munonyaraja joweyowe ro vandhu vanoita zvakashata.
Inga kupisa kunothurujwa ngo munvuriri wo makwiti,Ngo kudarovo, ndumbo jo vandhu vanobzinyirira jinozonyarajwa.
6 Pa dundhu iri, Jehovha wo hondo anozoitira vandhu veseMabuso o zvokuha zvakanaka,Mabuso o vhinyu yakanaka,Zvokuha zvakanaka, zvakazara ngo maphondo ano mwongo,No vhinyu yakanaka yakasvinwa.
7 Pa dundhu iri, iyena anozovhisa nguvo inobatanija vandhu veseNguvo yakafukija majinja ese.
8 Iyena anozopeja rufu mbhera narini,Mambo Mukuru-kuru Jehovha anozopukuta musoji jo mumeso mwese.
Iyena anozovhisa mu nyika yese kushohwa ko vandhu vake,Ngokuti Jehovha pacake wakazvinanga.
9 Pa njiku yondhoyo vanozoti:
“Vonanyi! Uwu ndi Mwari wedu!
Takamuvetera,Iyena wakatiponesa.’
Uwu ndi Jehovha!
Takamuvetera.
Ngatitambe no kudakara ngokuti watiponesa.”
10 Nyara ya Jehovha inozogara panyezuru po dundhu iri,Mowabhi anozocikwa-cikwa paari waroInga maushwa anocikwa-cikwa oita mututu o ndimo.
11 Iyena anozotambanujira nyara yake kwaari,Inga mundhu anosambirira ngo nyara jake,Iyena anozododokesa kujikuja kwakeNgo kunasa kufambisa ushoni nyara jake.
12 Iyena anozopeja dhorobha rakavangiswa,No mupfimbiji jaro jakareba jinojivirira;Iyena anozoriphwanyira pasi rosara rakaita bukuta.
Masoko o Pasi
^ Kana: “Kufutija.”
