Mazwi Akangwara 19:1-29
19 Zviri nane kuva murombo, wofamba wakagondeka,Kupinda kuva benji, wovereketa zvokunyepa.
2 Azvizivi kunaka, mundhu akatama kuva no uzivi.Anokasikira kuita zviro, anoshaisha.
3 Cinopeyamisa gwanja ro mundhu, upenji hwake.Mwoyo wake unonyangajwa ndi Jehovha.
4 Upfumi hunodanija shamwari jakawanda.Asi murombo anototizwa ngo shamwari yake.
5 Capupu cokunyepa, cinozosvuzvunuhwa kamare.Mundhu anovereketa zvokunyepa, aazowani pokutizira.
6 Vandhu vazinji vanopsaka kuitihwa unyasha ngo mundhu anokujwa.*Vese ishamwari jo mundhu anopekeja zvipo.
7 Kudari murombo ecizondhwa ngo hama jake jese,Kuzoti shamwari jake, jinoviyavo ngo kwapi?
Jinomutiza jese.
Iyena anovatevera ecikumbira, asi apana anomudavira.
8 Mundhu anowana hwiru,* anojida pacake.
Anoreremeja ungwaru, anozobudirira.*
9 Capupu cokunyepa, cinozosvuzvunuhwa kamare.Mundhu anovereketa zvokunyepa, anozofa.
10 Azvisisiri kuti benji rive mukhupuki.Nee mushandi kuti atonge vatongi.
11 Ungwaru, unoita kuti mundhu atame kunyangajwa ngo kukasika.Zvakanaka maningi kwaari kuregerera zvishaishi.
12 Ushungu hwa mambo hwakadari inga kubhonga kunoita mbhondoro.Asi unyasha hwake, hwakadari inga cando cinowira pa sora.
13 Mwana anopenga, anoviisa zvineso kuna baba wake.Mukaji anonesa,*
Wakadari inga madondhojwe acikaimi kudondha.
14 Nyumba no upfumi, indhaka inovha ku vabari.Asi mwanakaji wakangwara, anovha ka Jehovha.
15 Umbhwa, unoviisa* hope jicikaiti,Mundhu anoumbhwa, anozova no njara.
16 Mundhu anongwarira mutemo, anongwarira upenyu hwake.Mundhu anotama kubhasopa no zviro zvaanoita, anozofa.
17 Mundhu anoitira unyasha murombo, arikushongeja Jehovha.Iyena anozomukomborera ngo kuita izvi.
18 Pangirai mwana wako aciri mudoko,*Kuti utame kuwana ndava ngo kufa kwake.
19 Mundhu anokasika kunyangajwa, anozosvuzvunuhwa.Kudari iwewe ukaeja kumujivirira, unodikana kuphinda no kuphinda.
20 Izwai mbhangiro no kutendera kujijiswa.Kuti uzove muzivi kumbejiyo.
21 Mazano ari mu mwoyo mo mundhu, akawanda,Asi zvinoda* Jehovha, ndizvona zvinobudirira.
22 Zvinodiwa pa mundhu, i rudo hwake hucikacinji.Zviri nane kuva murombo, kuciripi kuva mundhu anonyepa.
23 Kuthya Jehovha, kunoendesa kuupenyu.Mundhu anomuthya, anozozorora akagarisika,
Acina ciro cinomunesa.
24 Mundhu anoumbhwa,* anodira nyara yake mu paratu.Asi aavangisiri kuti aihwirije pa muromo pake.
25 Mundhu acina uzivi, anojija kuva no uzivi paanovona mushori ecitakwa.Pangirai ano uzivi, iyena anozoengejera uzivi hwake.
26 Mundhu anoshaisha kutaja baba wake, wogogomera mai wake,Mwana endhowo anopseruja no kushoresa.
27 Mwana wangu, kudari ukatama kuzwira mbhangiro,Iwewe unozosiya masoko o uzivi.
28 Capupu cakashata, cinoshora matongero akanaka.Muromo wo vandhu vakashata, unovhavhura zvakashata.
29 Vashori, vanovetera kuzosvuzvunuhwa,Mapenji, anozotakwa pa musana pao.
Masoko o Pasi
^ Kana: “mundhu anokova.”
^ Gama ngo Gama: “anowana mwoyo.”
^ Gama ngo Gama: “anozowana zvakanaka.”
^ Kana: “anon’gun’guta.”
^ Kana: “Nungo jinoviisa.”
^ kana: “nguva iciripo.”
^ Kana: “mbhangiro ya.”
^ Kana: “anonungo.”
