Mazwi Akangwara 23:1-35
23 Paunonga wakagara na mambo kuti uhe,Iwewe unodikana kungwarira paunonga weciha zviri pamberi pako;
2 Kudari unocidaka-daka cokuha,Dirai cipanga padokoriro rako.
3 Ucaemura zvaanoha,Ngokuti zvokuha zvake ngo zvokucengeja.
4 Ucapeja simba rako kuti uwane upfumi.
Imai uvonese kuti unozwisisa.*
5 Kudari majiso ako akahusota,Ihwona hunongara-ngara,
Ngokuti hunojiitira mapapiro* inga hokotora
Hwomburuka kwenda mudenga.
6 Ucaha zvokuha zvo mundhu anokara;Ucaemura zvaanoha,
7 Ngokuti iyena wakaita inga mundhu anogara eciverenga zvaapera kumosha. Iyena anokuvhunja kudari:
“Ihai, imwai,” asi aaripi kuvereketa ngo mwoyo wese.
8 Iwewe unozoruca zvidoko zvaunonga waha,Kusimba kwaunozomuita kunozova kwamahara.
9 Ucavereketa benji recizvizwa,Ngokuti irona rinozorejareja uzivi hwo masoko ako.
10 Ucacinja zvivaringo zvo mugano zvakadihwa ndi baba wako,Nee audikani kunghwina mumunda wo ndherera.*
11 Ngokuti mujiviriri wavo ano simba,Iyena anozovajivirira pa zviro zvaunovapumbha.
12 Izwai mbhangiro ngo mwoyo wese, woishandisa,Njeve yako, ngaizwe masoko o uzivi.
13 Ucasiya kupangira mwana.*
Ukambhera ngo kumutaka ngo mushakwe, iyena aazofi.
14 Iwewe unodikana kumutaka ngo mushakwe kuti umuponese mu Guva.*
15 Mwana wangu, kudari mwoyo wako ukava wakangwara,Mwoyo wangu unozodakaravo maningi.
16 Kudari muromo wako ukavereketavo zvokadi,Inini ndinozodakara ngo mukati.
17 Mwoyo wako audikani kuemura vandhu vakashata,Asi iwewe unodikana kuda Jehovha njiku yese,
18 Ngokuti iwewe unozova no kumbeji kwakanaka maningiAkuna anozovhisa vetero yako.
19 Mwana wangu, izwai kuti uve wakangwara.Mwoyo wako ngaufambe mu gwanja rokadi.
20 Ucagara pakati po vandhu vari kumwisa maningi vhinyuPakati po vandhu vakazvimbihwa ndani ngo nyama,
21 Ngokuti vanomwisa maningi no kuhisa,Vanozova varombo.
Hope, jinozovasimija mapendera.
22 Purutanai* baba wako, ngokuti ndivona vakakubaraUcashora mai wako, ngokuti vaaharahwa.
23 Tengai cokwadi, asi ucacitengesaUnodikanazve kutenga uzivi, mbhangiro no kuzwisisa.
24 Baba vano mwana wakanaka,Vanozodakaradi kamare;
Baba vano mwana wakangwara, vanozodakara ndiyena.
25 Baba wako na mai wako, vanozodakara maningi.Mai vakakubara vanozodakara zvokuti izanyi muzovona.
26 Mwana wangu, nasai kundipurutana,*Majiso ako ngaadakare ngo makwanja angu.
27 Ngokuti mwanakaji anohura,*Irindi rakajika, iyena imwimbo* wakatetepa.
28 Inga zvinoita bhandidhu,Iyena anogara akafindarira,* woengejera mutengo wo vanarume vacizivi kugondeka.
29 Ndiyani anomatambujiko?
Ndiyani anothimwa-thimwa? Ndiyani anopopana?
Ndiyani anon’gun’guta?
Ndiyani anozvivonje pacina thangwe ririrese?
Ndiyani wakapsuka majiso?
30 Ndivona vaya vanogara mukuvo wese vecimwa vhinyu;Vanopsaka vhinyu yakavhenganijwa.
31 Ucagara wakasota kori yokupsuka yo vhinyuPainonga yecipharika-pharika mukopo,
Yeciderera padoko-padoko,
32 Ngokuti pakupejisira, inoruma inga nyoka,Yobudisa nvenene inga vhumbi.
33 Majiso ako anozokuvonesa zviro zvicikashandi,Mwoyo wako unozokuita kuti urangarire kuita zviro zvakashata.
34 Iwewe unozogara inga mundhu anovata pakati po jombe,Inga mundhu anovata kumbhiri ko muringoti* wo piketi.
35 Iwewe unozoti: “Vakanditaka, asi inini andizivi kuhwajihwa.
Vakandibofutiyari, asi inini andizivi kuzwa ciro.
Ndinozomuka rini? Ndiri kudazve doro rimweni.”
Masoko o Pasi
^ Kangaije: “Ucathemba kuzwisisa kwako.”
^ Kana: “mapapa.”
^ Kana: “vakafihwa ndi baba.”
^ Kana: “mufana; jaha.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kana: “Purukirai.”
^ Kana: “kundipurukira.”
^ Kana: “Gama ngo Gama: “mwanakaji wo nyikanja.” Izvi zvinoreva mundhu ano mufambiro wakashata, acina ushamwari na Mwari.”
^ Sime; dima.
^ Kana: “akavandira.”
^ Kumbhiri ko zimuti kana simbi inoimiswa yo piketi.
