Nduyo 12:1-8
-
Jehovha wamuka kuti aite zviri zvese
-
Zvinobhuiwa ndi Jehovha zvakacena (6)
-
Ku mutungamiriri. Inorijwa ngo zvinorijwa ndizvona zvo mapote yecizika inga izwi ro Sheminiti.* Nduyo ya Dhavhidhi.
12 Jehovha ndiponesenyivo, ngokuti akucina mundhu wakagondeka;Vandhu vakagondeka vangarangaka pakati po vandhu.
2 Ivona vanonyeperana ngocavo;Ngo masoko avo, ivona vanosimba kupindirija mudida no kucengeja vamweni.
3 Jehovha anozoceka muromo jese jinosimba kupindirija mudidaNo rurumi jese jinozvikuja.
4 Vese vaya vanoti: “Tinozowina ngo ndava yo muromo wedu.
Tinoshandisa muromo jedu mu njira jatinoda;Ndiyani anozotitonga?”
5 Jehovha anoti: “Ngo ndava yo kubzinyirihwa ko vandhu vari kutambujika,Ngo ndava yo kugomera ko varombo,Inini ndinozomuka ndoita ciri cese.
Inini ndinozovaponesa munyara ja vaya vanovashora.”
6 Zvinobhuiwa ndi Jehovha zvakacenaZvakaita inga sirivha yakasefwa no kuceneswa runomwe pacoto cakaumbwa ngo mavhu.*
7 Jehovha imwimwi munozovangwarira;Imwimwi munozongwarira umwe na umwe wavo kutangira pa mubarihwana uwu, mbhera kwenda no kwenda.
8 Ngokuti vandhu vanoita zvakashata vanofamba mu ndau jese mu njira javanoda.Ngokuti vana vo vandhu vanobesera zvakashata.
Masoko o Pasi
^ Vonanyi Kudurujihwa ko Magama.
^ Kangaije: “pacoto cokunyungurisira cakadihwa pasi.”
