Nduyo 138:1-8
Nduyo ya Dhavhidhi.
138 Inini ndinozomusimba ngo mwoyo wangu wese.
Ndinozomuimbira ndumbo jo kumusimbaPamberi po zvimwari zvimweni.
2 Inini ndinozogwadama ndakasota themberi yenyu yakacena,Ndinozosimba zina renyuNgo ndava yo rudo hwenyu hucikacinji no kugondeka kwenyu.
Ngokuti makakuja masoko enyu no zina renyu kupinda zviro zvese.
3 Pa njiku yandakamudaninja, imwimwi makandidavira;Imwimwi makandiita kuti ndive no cicunge no simba.
4 Jehovha Mwari wangu, majimambo ese o panyika, anozomusimba,Ngokuti anozozwa zvigondiso zvomakananga.
5 Ivona vanozoimba ngo pamusoro po makwanja a Jehovha,Ngokuti rukujo hwa Jehovha hwakakura.
6 Pikija Jehovha ari kudenga, iyena anovona mundhu anozvidodokesa,Asi wiya anojikuja, iyena aamukhwedereri.
7 Pikija ndikafamba pakati po zviro zvinothyisa, imwimwi munozondingwarira kuti ndienderere mberi ndecipona.
Imwimwi munoshandisa simba renyu kuti muhwise ushungu hwo vavengi vangu;Nyara yenyu yo muho, inozondiponesa.
8 Jehovha anozondiitira zviro zvese.
Jehovha Mwari wangu, rudo hwenyu hucikacinji ahuna magumo;Mucakanganwa mabasa o nyara jenyu.
