Nduyo 18:1-50
Ku mutungamiriri. Nduyo ya Dhavhidhi mushandiri wa Jehovha, ino masoko aakaimbira Jehovha pasure pokuponeswa ndi Jehovha mu nyara jo vavengi vake no mu nyara ja Sauri. Iyena wakati:
18 Jehovha, inini ndinomuda maningi, imwimwi muri simba rangu.
2 Jehovha ndi buwe rangu, citiziro cangu no muponesi wangu.
Mwari wangu ndiyena buwe rangu, kwiya kwandinotizira,Ndiyena muvhiko wangu, muponesi wangu ano simba* no citiziro cangu cakangwaririka.*
3 Ndinodaninja Jehovha uwo anofanera kusimbhwa.Ndozoponeswa mu nyara jo vavengi vangu.
4 Mapote o rufu akanditendenejaVanarume vanoita zvakashata vakandithyisijira.
5 Mapote o Guva* akanditendenejaRufu wateya murau pambeji pangu.
6 Pa matambujiko angu inini ndakadaninja Jehovha,Ndakaenderera mberi ndecicemera Mwari wangu kuti andibese.
Ari mu themberi yake, iyena wakazwa izwi rangu.Kukhuwa kwangu ndecida besero, kwakaguma mu njeve jake.
7 Ngo kudaro, nyika yakatanga kuzungunyika no kutetemera;Maambo o matundhu akazungunyikaZvese zvakazungunyika ngokuti iyena wainga akanyangajwa.
8 Mumiro jake makabuda usi,Pamuromo pake pakabuda muriro unoparaja;Kwaari kwakabuda masimbe ano muriro.
9 Iyena wakakotamisa denga, wobzuka,Pasi po soka jake painga no makore okusvipa.
10 Iyena wakaviya ecimburuka, wakagara pa kherubhi.
Wakaviya ngo kukasika ari pa mapapiro o ngirozi.*
11 Ngo kudaro, iyena wakajifukija ngo cidima,Icona cakamutendeneja inga tende,Mumakore mainga muno kumwa no makwiti akasvipa.
12 Murazvu yaivha kwaari,Mapuwe o nvura no masimbe o muriro zvakabuda ngo mumakore.
13 Ngo kudaro, Jehovha wakatanga kutindhira kudenga;Mukuru-Kuru wakaita kuti izwi rake rizikeAno mapuwe o nvura no murazvu inobwakisisa.
14 Iyena wakakhandira mupasha jake, vavengi vake vondhandhanika;Wakatumira mbheni jake woita kuti vavhiringike.
15 Ndau jinopopoma kumwa jakanasa kuvoneka;Maambo o nyika akadihwa pambhene, ngokuti imwimwi Jehovha makazvinanga,Mecishandisa mwiha wenyu uno simba unobuda mumiro jenyu.
16 Iyena wakatumira nyara yake ari kudenga;Iyena wakandibata wondibudisa mukumwa yakajika.
17 Iyena wakandiponesa ku muvengi wangu ano simbaKu vaya vaindizonda, vainga vakavanga maningi kupinda inini.
18 Ivona vakandihwisa pa njiku yandaitambujika,Asi Jehovha wakandibesa.
19 Iyena wakanditora, wondiendesa ku ndau yakangwaririka;Iyena wakandiponesa ngokuti waindida.
20 Jehovha wakandipfupa mukuzwirana no urungami hwangu;Iyena wakandikomborera mukuzwirana no kugondeka ko nyara jangu.
21 Ngokuti ndinongwarira makwanja a Jehovha,Andizivi kuita cakashata ndecisiya Mwari wangu.
22 Matongero ake ese ari pamberi pangu;Andizoshori mutemo jake.
23 Ndinozoenderera mberi ndicina ndava pamberi pake,Ndinozongwarira kuti nditame kuposa.
24 Jehovha ngaandipfupe mukuzwirana no urungami hwangu,Iyena ngaandikomborere ngokuti andizivi kuita cakashata.
25 Imwimwi makagondeka ku mundhu wakagondeka;Ku mundhu acina ndava, imwimwi amumupi ndava;
26 Ku mundhu wakacena, imwimwi munomukhombija kuti makacena,Asi ku mundhu acizivi kururama, imwimwi munomukhombija kuti makangwara.
27 Imwimwi munoponesa vandhu vanotambujikaAsi munododokesa vanojikuja.
28 Ngokuti imwimwi Jehovha ndimwi ruvheneko wangu,Mwari wangu anovheneka cidima cakanditendeneja.
29 Ngo besero renyu, ndinokwanisa kunyisa cikwata co mambavha,Ngo simba ra Mwari, ndinokwanisa kukhwira pa mupfimbiji.
30 Gwanja ra Mwari wo cokwadi rakakwana;Masoko a Jehovha akacena.
Ndiyena muvhiko wo vese vanotizira kwaari.
31 Ndiyani Mwari umweni kuciripi Jehovha?
Ndiyani buwe, kuciripi Mwari wedu?
32 Mwari wo cokwadi ndiyena anondipa simba,Iyena anozoita kuti gwanja rangu rive rakakwana.
33 Iyena anoita kuti soka jangu jiite inga soka jo gono ro shoma;Wondiimisa mu ndau jakakhwirira.
34 Iyena anojijisa nyara jangu kuti jiende kohwa hondo;Mukono jangu jinokwanisa kukwanya* uta wo utare.
35 Imwimwi munondipa muvhiko wenyu wo ruponeso,Nyara yenyu yo muho inondibesa,Kujidodokesa kwenyu kunondiita kuti ndive mukuru.
36 Munoita kuti gwanja randinofamba ndirona rive rakashama;Murenje jangu ajizosejemuki.
37 Ndinozoteverera vavengi vangu, ndozovawana;Andizohwiriri sure ndicito ndikavapeja vese.
38 Ndinozovacangaja, zvoita kuti vakonehwe kumuka;Ivona vanozowa pasi, ndovacika.
39 Munozondipa simba kuti ndihwe hondo;Munozoita kuti vavengi vangu vawe pamberi pangu.
40 Imwimwi munozoita kuti vavengi vangu vanditize,Inini ndinozopeja vese vanondizonda.
41 Ivona vanocema vecida kubeswa, asi akuna anovaponesa;Ivona vanocemera Jehovha, asi iyena aavapurukiri.
42 Inini ndinozovakwiya-kwiya voita inga bukuta rinotohwa ngo mbhepo;Ndinozovarasa inga matope ari muzvitaka.
43 Imwimwi munozondiponesa pakupumbhwa ndava kwandinoithwa ngo vavengi vangu.
Imwimwi munozondigaja inga musoro wo majinja.
Vandhu vandicikazivi vanozondishandira.
44 Ngo kuzwa basi ngo pamusoro pangu, vanozondizwira;Vandhu vo nyikanja vanozoviya kwandiri vecitetemera.
45 Vonyikanja vanozopera simba;Vanozova mu ndau javo jakavanga, vecitetemera.
46 Jehovha anopona! Buwe rangu ngarisimbhwe!
Ngaakujwe Mwari wo ruponeso hwangu.
47 Mwari wo cokwadi ndiyena anonyisa vavengi vangu;Iyena anoita kuti majinja andizwire.
48 Iyena anondiponesa ku vavengi vangu vano ushungu;Imwimwi munondidira panyezuru pavaya vanondihwisa;Imwimwi munondiponesa ku mundhu anokhuvaza.
49 Ndizvona zvinondiitisa kuti ndimukuje imwimwi Jehovha, pakati po majinja,Ndinozoimbira zina renyu, ndumbo jokusimba.
50 Iyena anoitira mambo wake mabasa makuru o ruponeso;Anokhombija rudo hucikacinji ku wokuzojwa wake,Kuna Dhavhidhi no mubarihwana wake kwenda no kwenda.
Masoko o Pasi
^ Gama ngo Gama: “nyanga yo ruponeso.” Vonanyi Kudurujihwa ko Mangama pa gama rokuti “Nyanga.”
^ Kana: “ndau yokutizira yakakhwirira.”
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Gama ngo Gama: “mujimu.”
^ Kana: “kuwetura.”
