Nduyo 20:1-9
-
Ruponeso hwa Mambo wakazojwa ndi Mwari
-
Vamweni vanothemba ngoro jo hondo, vamweni vanothemba haci, asi itusu tinodaninja zina ra Jehovha (7)
-
Ku mutungamiriri. Nduyo ya Dhavhidhi.
20 Jehovha ngaakudavire pa njiku yo dambujiko.
Zina ra Mwari wa Jakobe ngarikungwarire.
2 Iyena ngaakubese ari ku ndau yake yakacenaIyena ngaakuvangise ari ku Ziyoni.
3 Iyena ngaaceukije zvipo zvako zveseIyena ngaashire mupiro yako yese yokupiswa. (Sera)
4 Iyena ngaakupe zviro zvese zvinoda mwoyo wakoIyena ngaaite kuti zviro zvese zvaunoronga zvibudirire.
5 Tinozotamba ngo mudakaro ngo zviito zvenyu zvo ruponeso;Tinozomusa zvitatijo zvo kukuja zina ra Mwari wedu.
Jehovha ngaakupe zvese zvaunomukumbira.
6 Wari ndaakuziva kuti Jehovha anoponesa wokuzojwa wake.
Iyena anomudavira ari ku ndau yake yakacena iri kudengaIyena anomuponesazve ngo nyara yake ino simba yo mukono muho.
7 Vamweni vanothemba ngoro* jo hondo, vamweni vanothemba haci,Asi itusu tinodaninja zina ra Jehovha Mwari wedu.
8 Ivona vakakhugunyika,Asi itusu takamuka togara takaima.
9 Imwimwi Jehovha, ponesanyi mambo!
Iyena anozotidavira pa njiku yatinozomukumbira kuti atibese.
Masoko o Pasi
^ Kana: “kareta.”
