Nduyo 26:1-12
Nduyo ya Dhavhidhi.
26 Jehovha Mwari wangu, nditongenyi ngokuti ndakafamba ndakagondeka kwamuri;Jehovha inini ndakamuthemba ngo mwoyo wangu wese.
2 Jehovha Mwari wangu, ndipoporenyi no kundieja;Sotesesanyi murangariro yangu yo mukati no mwoyo wangu.
3 Ngokuti nguva jese ndinovona rudo hwenyu hucikacinji pamberi pangu,Inini ndinofamba mu cokwadi cenyu.
4 Inini andishamwarijani no vandhu vanonyepa,Nee anditambi no vacengeji.
5 Ndinonyenya kubatana no vandhu vanoita zviro zvakashataAndifambi no vandhu vanoita zvakashata.
6 Jehovha Mwari wangu, ndinozosamba nyara jangu kuti ndikhombije kuti ndiri mundhu acina ndava,Ndinozofamba mumbhiripiri mo artari yenyu.
7 Kuti ndimubonge ngo izwi guruNo kuzivisa mabasa enyu ese anoshamaisa.
8 Jehovha, inini ndinoda maningi nyumba yenyu yamunogara,Ndau yokuti vandhu vanokwanisa kuvona kuti imwimwi makakura maningi.
9 Mucandiparaja pamwepo no vashaishiMucandiuraya pamwepo no vaurayi,
10 Avo vano nyara jinoita zviro zvinopseruja,Ivona vanodakarira kudhyekehwa.*
11 Asi inini, ndinozoenderera mberi ndecifamba ndakagondeka.
Ndiponesenyi no kundiitira unyasha.
12 Soka jangu jakaima pa ndau yakangwaririka;Ndiri mu ungano huru, inini ndinozosimba Jehovha.
Masoko o Pasi
^ Kana: “kudhyekera vandhu vamweni.”
