Nduyo 4:1-8
Ku mutungamiriri; inoimbhwa ngo zvandinorija ndizvona zvo mapote. Nduyo ya Dhavhidhi.
4 Mwari wangu wakarurama, ndidavirenyivo pandinomudaninja.
Ndinasirirenyivo gwanja rokutiza ndirona pandinonga ndecitambujika.
Ndiitirenyivo unyasha, izwanyi mukumbiro wangu.
2 Imwimwi vana vo vandhu, munozoenderera mberi mecicinja kukujwa kwangu kuti kuve kudodokeswa mbhera rini?
Munozoendererazve mberi mecida zviro zvicikasisiri no kupsaka zviro zvokunyepa mbhera rini? (Sera)
3 Zivanyi kuti Jehovha anozokuja mundhu wake wakagondeka;Jehovha anozondizwa ndikamudaninja.
4 Nyandukanyi, asi mucashaisha.
Vereketanyi ngo mu mwoyo mwenyu muri pa kama jenyu, asi endereranyi mberi makanyarara. (Sera)
5 Ipanyi mupiro yo kururama,Thembanyi Jehovha.
6 Kuno vazinji vanonanga kudari: “Ndiyani anozotikhombija zviro zvakanaka?”
Imwimwi Jehovha itanyi kuti ruvheneko wo mumeso menyu utivhenekere.
7 Makaita kuti mwoyo wangu udakare maningi kamareKupinda kudakara kwa vaya vano zvokuha zvakawandisisa zvo mucece no vhinyu imbza.
8 Ndinozokwatama ndovata mu runyararo,Ngokuti imwimwi basi Jehovha, ndimwi munondiita kuti ndigare ndakangwaririka.
