Nduyo 42:1-11
Ku mutungamiriri. Nduyo yo vana va Koraa. Masikiri.*
42 Kudari inga shoma inoda maningi kumwa inopopoma,Inini ndinomudavo maningi Mwari wangu.
2 Inga mundhu ano nyota yo kumwa, inini ndiri kuda maningi Mwari, Mwari anopona.
Ndinozoenda rini pamberi pa Mwari wangu?
3 Musoji jangu java zvokuha zvangu usiku no masikati;Njiku yese, vandhu vanondishora vecindivhunjisa kudari: “Ari kwapi Mwari wako?”
4 Ndinoceukija zviro izvi, ndofunungura mwoyo wangu,Ngokuti kareko, ndaifamba no vandhu vakawanda;Inini ndaifamba padoko-padoko pamberi pavo mbhera kuguma ku nyumba ya Mwari,Tecidakara pamwepo no kubonga,Vandhu vazinji veciita mabuso.
5 Ngenyi andicina vetero?
Ngenyi andizivi kugajana?
Ndinozoimira Mwari,Ngokuti inini ndinozomusimba inga Muponesi wangu Mukuru.
6 Mwari wangu, andicina vetero.
Ngo ndava ya izvi, ndakamuceukija,Pandainga ndiri mu nyika yo Jordhani no pandainga ndiri pa ndau yakakhwirira yo Herimoni.Ndakauceukijazve pandainga pa Dundhu ro Mizari.*
7 Kumwa yakajika inodaninja kumwa yakajikaNgo ndava yo kutindhira ko kumwa inopopoma inovha pa ndau yakakhwirira.
Mavimbi enyu ese ano simba andinyisa.
8 Comasikati Jehovha anondipa rudo hwake hucikacinji,Cousiku inini ndinoimba ndumbo yo kumusimba. Ndinozoitira mukumbiro kuna Mwari wo upenyu hwangu.
9 Ndinozovhunja Mwari wangu, buwe rangu kudari:
“Ngenyi makandikanganwa?
Ngenyi inini ndinodikana kufamba ndakacamwa ngo ndava yo kuneswa ngo vavengi vangu?”
10 Vavengi vangu vanondituka novakanyangajwa maningi;Njiku yese vandhu vanondishora vecindivhunjisa kudari: “Ari kwapi Mwari wako?”
11 Ngenyi andicina vetero?
Ngenyi andizivi kugajana?
Ndinozoimira Mwari,Ngokuti inini ndinozomusimba inga Muponesi wangu Mukuru na Mwari wangu.
