Nduyo 92:1-15
Mumbo wo njiku yo Sabudu.
92 Zvakanaka maningi kubonga JehovhaNo kuimba ndumbo jinosimba zina renyu imwimwi Mukuru-Kuru,
2 Zvakanaka maningi kuzivisa rudo hwenyu hucikacinji co mangwananiNo kuzivisa ugondeki hwenyu cousiku,
3 Musimbenyi ngo thurusi rino gumi ro zvinorijwa ngo shinda,Pamwepo no cimadangari* cinorira ushoni.
4 Jehovha Mwari wangu, imwimwi makaita kuti ndidakare ngo zviito zvenyu;Inini ndinokhuwa ngo kudakara ngo ndava yo mabasa o nyara jenyu.
5 Jehovha Mwari wangu, mabasa enyu akakura maningi!
Uzivi hwenyu hwakakura maningi!
6 Mundhu acingarangariri ushoni aakwanisa kuziva mabasa enyu no uzivi hwenyu;Nee apana rethe rinokwanisa kuzwisisa zviro izvi:
7 Vandhu vakashata pavanomera inga sora,Vese vanoita zvakashata pavanotumbuka,Vanonga vecida kuparajwa kwenda no kwenda.
8 Jehovha Mwari wangu, imwimwi munokujwa kwenda no kwenda.
9 Jehovha vonanyi vavengi venyu,Kunasa kunanga vavengi venyu vanozoparajwa;Vandhu vese vanoita zvakashata vanozondhandhaniswa.
10 Imwimwi munoita kuti ndive no simba inga n’gombe yo musora;*Ndinozozora mafuta o mutengo mukuru kuti ganda rangu ripfave.
11 Majiso angu anozovona vavengi vangu;Njeve jangu jinozozwa ngo pamusoro po kunyiswa ko vandhu vanoita zvakashata vanondihwisa.
12 Varurami vanozotumbuka inga mucinduVozokura inga muti wo sedhro wo Rebhanoni.
13 Ivona vanosimwa pa nyumba ya JehovhaVozokura paruvanje hwa Mwari wedu.
14 Pikija vaaharahwa, vanozobara mucero jakawanda;Vanozoenderera mberi vakavanga no uhomi hwa ushoni.
15 Vecizivisa kuti Jehovha wakarungama.
Iyena Ibuwe rangu, aaiti zvicizivi kururama.
Masoko o Pasi
^ Thurusi rinoshandiswa pa kurija mumbo. Ngo ciputukezi rinodaninjwa kuti harpa.
^ Cinyama co kare caitojana no nyati.
