Mukaji no mwamuna pavanoshanda pamwepo, vanozoita inga mutekenyi wo ndeki no mubeseri wake. Kudari pakamuka zvineso, vese vovaviri vanodikana kubatana kuti vanyise zvineso zvondhozvo.

BHAIBHERI RINOTI: “Avaciripizve vandhu vaviri, asi vaanyama imwe.”—Mateu 19:6.

“Mukaji no mwamuna vanodikana kushanda pamwepo kuti mucadho wavo ubudirire.”—Kristofe.

Mukaji no mwamuna vacikashandi pamwepo, pakandobuda zvineso, vanobatikana pa kushorana kusiyapo kupsaka manera okupeja zvinesozvo. Ngo kudaro, shwiro dokowane, inopejisira ngo kuva huru.

“Kushanda pamwepo kunosisira maningi mu mucadho. Kudari inini no mwamunangu tikatama kushanda pamwepo, tinozova inga vandhu vaviri vanogara pa muzi wondhowo, asi mundhu umwe na umwe aciita zvake.”—Arekisandra.

AMBORANGARIRANYI KUDARI

• Kunanga kuti ndinorangarira kuti mare yandinowana ngo “yangu ndega”?

• Kunanga kuti ndinojizwa kuti ndakasujunuka kamare mudoni wangu acipo?

• Kunanga kuti andidakariri ukama wo mudoni wangu, pikija iyena ecivadakarira maningi?

BHUISANANYI NO WAMAKAROVORANA NAYE NGO PAMUSORO PO MUVHUNJO JINOTEVERA

• Ngoapi mativi atinokwanisa kushanda tese?

• Ngopapi patinodikana kuitisa nane?

• Ngozvapi zvatinodikana kuita kuti tiitise nane?

MAZANO

• Rangariranyi kuti mucadho wenyu i mutambo wokuti imwimwi no mwamuna wenyu muri mu ekipa jakasiyana. Psakanyi kuziva kuti ngozvapi zvamungaita kuti mutamezve kutamba mu ekipa jakasiyana, asi muve ku divi rondhoro.

• Kusiyapo kurangarira kudari; ‘Ngozvapi zvandingaita kuti ndiwine?’ Rangariranyi kudari: ‘Ngozvapi zvatingaita kuti tiwine?’

“Mucapsaka kuti ndiyani ari kuita zviro zvaushoni kana kuti ndiyani ari kuposa. Cinosisira maningi ikuva no runyararo pamwepo no rubatano mu mucadho.”—Etani.

BHAIBHERI RINOTI: “Mucikapsaki zvinomudakajisa basi, asi psakanyivo zvinodakajisa vamweni.”—Vafiripi 2:3, 4.