Maria ndi Mai va Mwari Here?

RIJANYI

Mupinguro wo Bhaibheri

Haiwa, Bhaibheri arijijisi kuti Maria ndi mai va Mwari, nee aritonangi kuti maKristu anodikana kunamata Maria. a Vonanyi kuti ngenyi:

Maria aazivi kumbonanga kuti i mai va Mwari. Bhaibheri rinosanangura kuti iyena wakabara “Mwana wa Mwari,” haiwa Mwari—Marko 1:1; Ruka 1:32.
Jesu Kristu narini aazivi kumbonanga kuti Maria wainga mai wa Mwari kana waidikana kunamatwa. Ngo kudaro, iyena wakapangira mwanakaji wakapa nderemejo huru Maria ngo kuva mai wa Jesu, iyena wakati: Vanodakara avo “vanopurukira izwi ra Mwari, no kuriteveja!”—Ruka 11:27, 28.
Gama ro kuti “Mai va Mwari ” no “Theotokos” (mune wa Mwari) ariwaniki mu Bhaibheri.
Mu Bhaibheri, gama ro kuti “Vahosi vo nyezuru” arinangiri Maria, asi rinonangira mwari kaji wokunyepa wainamatwa ngo va Israeri kana vapanduki. (Jeremia 44:15-19) “Vahosi vo nyezuru” angava Ishtar (Astarte) mwari kaji wo Bhabhironia.
MaKristu okutanga aacainamatepi Maria, nee avacaimupa nderemejo huruwane maningi. Umwe muverengi wo ndhorondho wakananga kuti maKristu okutanga “vairamba kupa nderemejo yakakhwira Maria kana kuitisa kuti vamweni varangarire kuti vainamata iyena.”—Vari kupsaka Maria wo ciJudha (In Quest of the Jewish Mary).
Bhaibheri rinonanga kuti kuvhira kare Mwari wainga ariyo. (Nduyo 90:1, 2; Isaia 40:28) Ngokuti iyena aana paakatangira, aangavi na mai. Kunja kwa izvo Maria acaizokwanisa kuthwara Mwari mundani mwake, perapo Bhaibheri rinovonesa kuti pikija matenga aakwani.—1 Majimambo 8:27.

Maria—ndi Mai va Jesu haiwa “Mai va Mwari”

Maria wainga muJudha zve mubarihwana wa Mambo Dhavhidhi. (Ruka 3:23-31) Ngo ndava wo rutendo no kujipira kwake, Mwari waimutaja maningi. (Ruka 1:28) Mwari wakamusana kuti ave mai va Jesu. (Ruka 1:31, 35) Maria no mwamunake Jasefa vakava no vana vamweni.—Marko 6:3.

Bhaibheri rinonanga kuti Maria wakava mujiji wa Jesu, asi arinangi masoko akawanda ngo pamusoro pake.—Mabasa o Vapostori 1:14.

Ngenyi vamweni vanovona Maria inga mai va Mwari?

Maria wakatanga kunamatwa kare maningi kutangira kumbhiri ko zana ro cirongomuna ro makore mu N.V.Y. Mu nguva iyi, Ciara co Katorika cakava ciara caisisira maningi mu Umambo wo ciRoma. Ngo ndava yazvo izvi zvakaita kuti vahedheni vazinji vave maKristu ngo zina. Ciara ici cakatanga kudira jijiso icikavhi mu Bhaibheri yo Utatu.

Jijiso yo Utatu iyi yakaita kuti vandhu vazinji vagume pa mbhejiso yo kuti Jesu ndi Mwari ngo kudaro, Maria waidikana kuva mai wa Mwari. Mu gore ro 431 N.V.Y mu songano umweni wo ciara wakaizihwa mu Efeso pakaziviswa kamare kuti Maria ndi “Mai va Mwari”. Kunamata maningi Maria kwakaederera mbheri kuvhira pakandopera kuizwa Musongano wo ku Efeso. Zvecivoneka kuti vazinji vainga vakajijiswa ngo zviara zvo cihedheni, vakabatanavo no ciara condhoco cainamata mwari kaji wo cihedheni wo ndimo, wakadari inga ndi Artmis (Diana, kuna vaRoma) zve no Isisi, padoko ngo padoko zvakafakewa ngo zvithombi zva Mbanduwe Maria.

Mu gore ro 432 N.V.Y papa Sisto III wakadira mutemo kuti ku Roma kuvakwe ciara kuti cinamate “Mai va Mwari.” Icona cakavakwa phedo no temberi yanamatihwa Luciana, no mwari wo kaji wo ciRoma wo kubara. Umwe mutari wakananga kuti ciyara ici cakadari inga “mufananijo wa Mai Mukuru wo zviyara zvo cihedheni cainamatihwa Maria pasure pokutanga cikristu co ciRoma.”

a Zviyara zvizinji zvinojijisa kuti Maria ndi mai va Mwari. Zvinovonesa kuti iyena I “vahosi vo Kudenga” kana Theotokos , gama ro ciGriki rinoreva “mune wa Mwari.”

Zvimusoro Zvakafanana

Mwari Bhaibheri Muvhunjo jo Bhaibheri Jakapinguhwa

Zvimweni Zvamungadakarira nga Izvi:

NGO PAMUSORO PEDU

Kumbiranyi Kuvhakacihwa

Kuitira kukumbira kuvhakacihwa kuti mubhuisane ngo pamusoro po shwiro jo Bhaibheri kana kuda kuziva ngo pamusoro po urongwa hwedu hwo jijo yo Bhaibheri icikapagahwi, presherinyi forimurariyo iri mu saiti jw.org.

MUVHUNJO JO BHAIBHERI JAKAPINGUHWA