Air uutfrågen wat måkt woore is mit lüür up feel stele ine wild, a hät weese dat fon 4 lüür, 1 däit sich alaine befijne.

•   “Irgends air mësch, up irgends ain stel, wat uld urer jung is, kan sich alaine befijne.” - Chido Mpemba, copresident fon dai Comissão sobre Conexão Social da Organização Mundial da Saúde.

 Feel maine dat bloos dai wat ni t’hoop mit dai andrer sin urer wat üler sin forneeme sich alaine, åwer dat is ni wår. Dai juugende, dai wat gesund sin, dai wat air gaur leewend häwe un dai wat forfrijgt sin koine uk sich alaine befijne. Ümer oos trööghule fon dai andrer un oos alaine befijne kan ni gaud sin tau oose körper un tau oos gedanke.

•   Air dokter fon Estados Unidos wat Vivek Murthy hit hät sägt: “Sich alaine befijne is ni bloos air slecht forneemen.” Hai hät uk sägt: “Kaine ümgang mit dai andrer häwe un sich alaine befijne kan der dood bringe un dat is soo as air mësch wat 15 cigar upe dag rooke däit, dai kan uk doodblijwe.”

 God wil ni dat wij oos trööghule fon dai andrer. God hät ümer wut dat dai lüür gaure ümgang häwe däire air mit dem ande.

•   Spruch fone Bijbel: “God hät sägt: ‘Is ni gaud dat dai kërl alaine blijwt.’” (Gênesis 2:18)

 God wil wij schåle gaure ümgang mit em häwe. Wen wij oos anstrenge gaure ümgang mit God häwe, hai hät sägt hai däit dat neemlig måke mit oos. (Tiago 4:8)

•   Spruch fone Bijbel: “Fröölig sin dai wat waite dat sai God bruuke daue, weegen eer höört dai Regirung fom himel.” (Mateus 5:3)

 God wil wij schåle em anbeere t’hoop mit andrer lüür. Dat is gaud tau oos gedanke un helpt oos frööliger ware.

•   Spruch fone Bijbel: “Un bekümert juuch air mitm andrer taum koråsch geewe taum lijb häwe un gaure daile måke, un daut ni sinlåte juuch forsamle, . . . åwer, oos air der andrer koråsch geewe.” (Hebreus 10:24 un 25)

 Taum mër waite woweegen is dat gaud dij anstrenge taum dij ni alaine befijne, lees der artikel “Feel ine wild forneeme sich alaine - Wosoo kast duu dij dårmit drëge?.”