KAPITEL 11
Wosoo kan dai Bijbel oos helpe?
1. Woweegen bruuke wij God sij formånen?
Wosoo däit dai Bijbel oos helpe oos leewent un der andrer eer behüüte?— SALMO 36:9.
Oos God Jehovaa is feel kluiker as wij. Hai is air lijb Fåter wat oos uppasse däit. Wij bruuke God taum fröölig sin. (Jeremias 10:23) Soo as air kind hülp bruukt fon sijn papa un mama, soo bruuke wij ale hülp fon God. (Isaías 48:17, 18) Dai Bijbel giwt oos dës hülp. Sai is soo as air geschenk fon God. — Lees 2 Timóteo 3:16.
Wen wij Jehovaa sijn leis horge, den sin wij hüüt feel frööliger un daue waite wat wij måke muite taum fröölig up ümer sin. Is God wat oos måkt hät. Dårweegen, muite wij em sij formånen någåe. — Lees Salmo 19:7, 11; Apocalipse 4:11.
2. Wosoo koine wij dai Bijbel benutse taum uutsuiken måke?
Wekmåls, dai Bijbel hät ain lei uphaupt tau air dail wat passijrt. (Deuteronômio 22:8) Anert måls, wat dai Bijbel sägt kan benutst ware in feel daile im leewent. Den, muite wij andenke wosoo dai Bijbel oos helpe kan uutsuiken måke. (Provérbios 2:10-12) Dai Bijbel däit oos inlëre dat dat leewent air geschenk fon God is. Wen wij hijr andenke, daue wij ales måke wat wij koine taum oos leewent un der andrer eer leewent behüüte. Wij måke dat upm arbëd, t’huus urer up aine rës. — Lees Atos 17:28.
3. Wat fon sin dai twai grötster geboote?
Jësus hät sägt wat fon sin dai twai grötster geboote. Dai airst däit wijse wotau uphaupt oos leewent is: taum God kenelëre, lijbe un dijne. Wij muite hijr andenke in al oos uutsuiken. (Provérbios 3:6) Dai mësch wat dës geboot horge däit, kan grootfründ mit God sin, fröölig sin un up ümer leewe. — Lees Mateus 22:36-38.
Dai twait geboot helpt oos im freere leewe mit dai lüür. (1 Coríntios 13:4-7) Taum måken wat dës geboot sägt, wij muite mit dai lüür soo sin as God mit eer is. — Lees Mateus 7:12; 22:39, 40.
4. Wosoo kan dai Bijbel oos helpe?
Dai Bijbel däit dai famijlge inlëre mër lijb häwe un ainiger sin. (Colossenses 3:12-14) Dai Bijbel sägt dat dat forfrigt leewent is inset woore taum up ümer sin. Dat däit uk dai famijlg behüüte. — Lees Gênesis 2:24.
Måke wat dai Bijbel inlëre däit kan oos behüüte up feel årts. Soo’s dai Bijbel sägt, wij muite reäl un gaur arbëdslüür sin. Mëst ümer, dai schefs wile soo’n lüür taum arbëren. (Provérbios 10:4, 26; Hebreus 13:18) Dai Bijbel sägt uk dat grootfründ mit God sin hät mëre wërd as dat gild. Dai sägt uk wij muite oos bekümre bloos mit dat wat wij bruuke taum leewe. — Lees Mateus 6:24, 25, 33; 1 Timóteo 6:8-10.
Wee nå dai Bijbel leewe däit is gesuuner. (Provérbios 14:30; 22:24, 25) Dai Bijbel däit oos ni forbaire air bits snaps, bijr un anert gedrenk drinke, åwer löt klår dat forkërd is taufeel drinke. Dës lei horge däit oos behüüte fon slecht krankhëte un unglük. (Salmo 104:15; Provérbios 23:20; 1 Coríntios 6:10) Un nog, dai Bijbel däit oos up dai richtig årt denke helpe. (Salmo 119:97-100) Gans sicher, måke wat dai Bijbel sägt is sër gaut tau oos. Åwer God sijn dijners måke dat uphaupt dat sai Jehovaa ëre wile. — Lees Mateus 5:14-16.
