“Nå jårelang dat mijn fruug Sophia a krank wäir un nam dokter güng taum een gesund beeter ware, is sai doodbleewe. Wij wäire al 39 jår forfrigt as dit passijrt is. Dai woo mit ik ümgang har, häwe mij sër hulpe un däire sich sër anstrenge dat ik ümer wat taum måken har. Åwer nog soo doir ain jårlang häw ik mij soo fornåme as wen mijn leewend uut wäir. Wek dåg däir ik mij gaud befijne un andrer dåg däir ik mij slecht befijne. Dat däir mit ais passijre. Bet hüüt hen, bijnå 3 jår nåheer, dau ik mit ais sër traurig blijwe.” - Kostas.

Is air wat’s duu lijbe däist doodbleewe? Wen dai antwoort jå is, kan sin dat’s duu forståe krijgst, wosoo Kostas sich befuune hät. Wen air laiw mësch doodblijwt, soo as air kërl urer ain fruug, air fründ urer air womit duu ümgang häst, dat is air dail wat mëst unruigkët un waidåg bringt. Dokters un uutstudijrt lüür måke upsuiken oiwer dai waidåg fon dai wat truure daue un daue dat neemlig maine. Ain revista oiwer psicologia, b fon Estados Unidos, sägt dat feel lüür sich sër traurig forneeme daue, wen air wat sai lijbe daue, doodblijwt, weegen sai glööwe dat sai nij ais mër dës mësch saie daue. Wen air soo’n groot waidåg forneeme däit, kan sin dat dai sich fråge däit: ‘Bet wonair dau ik mij soo befijne? Dau ik mij as were fröölig befijne? Wat kan ik måke taum mij beeter befijne?’

In dës Wåkt Up! ware dës frågen antwoort. Büst duu traurig dat air laiw mësch doodbleewe is? In dai anerd lëren, daue wij saie wosoo feel wat truure daue sich forneeme un dai slimhët wat sai doirsete. Dai andrer lëren daue fortele oiwer dat wat’s duu måke kast dat dijn waidåg ni soo groot blijwt.

Wij wile sër gërn dat dës Wåkt Up! trööste un helpe kan dai wat dës slim dail nuu doirsete daue.