DAU FON GOD SIJ WOORD LËRE
Wat däit passijre in der Gericht Dag?
Dit hijr is taum forståen wat dai Bijbel dåroiwer antwoore däit un woo’s duu dai antwoord fijne kast ine Bijbel. Jehovaas Tüügen daue sich frööge dij mithelpe dat forståe.
1. Wat is dai Gericht Dag?
Soo as dit bijld an der rechten kant wijse däit, feel lüür daue soo denke oiwer der Gericht Dag urer oiwer wen God sij dag kåme däit: feel wat al dood sin blijwe foir God un ware gericht doir dat wat sai airer måkt häwe. Wek krijge dai seegen taum im himel leewe un andrer ware stråwt ine höl. Åwer dai Bijbel sägt dai Gericht Dag däit gerechtigkët bringe tau dai lüür. (Salmo 96:13) God hät Jësus uutsöcht taum gerechtigkët måke upe ër. (Lees Isaías 11:1 bet 5 un Atos 17:3)
2. Wosoo däit dai Gericht Dag werer gerechtigkët bringe?
As dai airst kërl, Adão, ni mër God horge wul, ale wat nå em geboore sin häwe dai süün, nood un dood ärbt. (Romanos 5:12) Taum gerechtigkët måke, Jësus däit biljone lüür upleewe. In Apocalipse, däit wijse dit däit passijre oiwer dai duusend jåre lang woo Jësus regijre däit. (Lees Apocalipse 20:4, 11 un 12)
Dai upgeleewte ware ni gericht nå dat wat sai airer måkt häwe as sai doodbleewe sin. In Apocalipse kapitel 20 sägt dår ware rule upmåkt, nåheer dës upgeleewte ware gericht nå dës rule. (Romanos 6:7) Soo as dai Apostel Paulo sägt hät dai gerechte un dai ungerechte daue werer leewe un daue lëre oiwer God. (Lees Atos 24:15)
3. Wat däit nog mër passijre weegen der Gericht Dag?
Dai lüür wat doodbleewe sin, wat ais ni Jehovaa kent un dijnt häwe, sai koine sich ümkëre un måke wat richtig is. Wen sai dit måke daue, sai ware upleewt taum leewig blijwe. Åwer wek fon dës, wat upleewt ware, wile ni Jehovaa horge. Sai ware upleewt taum gericht ware. (Lees João 5:28, 29, Isaías 26:10 un 65:20)
Wen dai duusend jåre lang fon dai Gericht Dag anhule däit, den däit Jehovaa måke dat dai ganse lüür wat em horge åne süün ware. (1 Coríntios 15:24 bet 28) Dat sin gaure daile wat ale wat em horge daue luure koine! God däit den Satan looslåte, wat duusend jåre lang inspuunt wäir. Dat wart dai lätst pruiw sin. Satan wil werer dai lüür aflenke fon God åwer wee an God sijn kant blijwe däit, leewt hijr upe ër up ümer. (Lees Isaías 25:8 un Apocalipse 20:7 bet 9)
4. Wat fon anerd gericht dag däit dai lüür mithelpe?
Ine Bijbel, dai wöör gericht dag ware uk benutst taum uutdüüre wat passijre däit taum dës wild taum ën bringe. Dës anerd gericht dag kümt mit ais, grår soo as passijrt is in Noé sijn tijd mit dai Groote Reegen, as ale dai slechte lüür wat hijr upe ër wäire sin doodbleewe. Löt oos sër fröölig waite dat bald dai slechte lüür ware uutrot. Den dai gerechtigkët däit hijr upe ër wåne, giwt den air ‘nijg himel un air nijg ër’. (Lees 2 Pedro 3:6, 7 un 13)
Kan sin dat dit dij uk gefale däit
ESSENTIAL BIBLE TEACHINGS
Wat Is God Sij Regirung?
God sij Regirung wäir woo Jësus mëst oiwer fortele däir as hai dai lüür inlëre däir. Fon Jësus sijn tijd bet hüüt hen, daue dai lüür beere dat God sij Regirung kåme schal.
ESSENTIAL BIBLE TEACHINGS
Woweegen Hät God dai Ër Måkt?
Oos wild is ful mit fainigkët. Dai Ër is genau henmåkt upt richtig stel af fone sün, dai is genau henböögt nå dem richtig winkel, sai gët rund up dai richtig årt, ni tau rasch un ni tau langsåm. Woweegen hät God sich soo dul anstrengt taum dai Ër måke?
