Në, dai religione sin ni oiwerain. Ine Bijbel sägt oiwer feel religione wat God ni gefale. Wiman’s twai sort saie.

Sort 1: Religione wat sich anhule an falsch godes

Dai Bijbel sägt sich anhule an falsch godes is unnüte un åne wërd. (Jeremias 10:3 bet 5 un 16:19 un 20, Pastoral) Jehovaa a hät tau dai israeliten früür sägt: “Dau kaine andrer God häwe, bloos mij.” (Êxodo 20:3, 23 un 23:24, Nova Tradução na Linguagem de Hoje) Wen dai israeliten andrer godes hare, ‘Jehovaa däir oiwer eer wüütend ware’. (Números 25:3, Levítico 20:2 un Juízes 2:13 un 14)

God däit nog dat neemlig denke oiwer falsch “godes” häwe. (1 Coríntios 8:5, 6 un Gálatas 4:8) Hai däit klår låte dat ale dai wat em anbeere wile muite sich trööghule fone falsch religione: “Gåt mank eer ruuter un hult juuch dårfon tröög.” (2 Coríntios 6:14 bet 17) Wen al dai religione oiwerain wäire un däire nå God henkåme, woweegen däir hai den dës ordnung geewe?

Sort 2: Religione wat der wår God up forkërd moor anbeere

Wekmåls dai israeliten däire God anbeere neemlig soo as dai falsch godes anbeert wööre. Åwer dai wår religion t’hoopmische mit dai falsch, Jehovaa hät dat ni annåme. (Êxodo 32:8 un Deuteronômio 12:2 un 4) As Jësus upe ër wääst is, hai hät dai religionschefs foracht weegen soo as sai God anbeere däire, sai wule wijse dat sai God anbeere däire, åwer sai wäire falsch un ‘sai däire dai oiwerste daile ine Lei besijdlåte, soo as dai gerechtigkët, dat beduuren un dai reäligkët’. (Mateus 23:23)

Neemlig soo hüüt, dai lüür koine bloos an God ranerkåme doir ain religion wat dai wårhët inlëre däit. Dës wårhët fijne wij ine Bijbel. (João 4:24, 17:17 un 2 Timóteo 3:16 un 17) Dai religione wat ni inlëre daue wat dai Bijbel sägt, lenke dai lüür fon God af. Feel inlëren wat dai lüür denke sin fone Bijbel, soo as, drai godes in air, dat dai sël nij ais doodblijwt un up ümer brene ine höl. Dat is inlëren fon der falsch godes. Soo’ne anbeere is unnüte un åne wërd, weegen dat kümt fon religion’s moors un ni fon God sijne geboote. (Marcos 7:7 un 8)

God däit hasse dai falschhët wat is ine religione. (Tito 1:16) Taum dai lüür helpe nå God kåme, ain religion mut dai lüür dag for dag mithelpe, ni bloos ain list mit ordnung geewe taum någåe. Dai Bijbel sägt: “Wen air denke däit, dai däit God anbeere, åwer däit ni sijn tung hule, dai däit sijn aigen härts bedraige, un sijn religion is åne wërd. Dai religion wat rëgen un åne fëgel is nå oos God un Fåter sijn mainung is dës: dai wat åne papa un mama sin un dai witfruuges in eer swårhëte uppasse, un sich åne drek fone wild hule.” (Tiago 1:26 un 27, nåt) Däit sich gaud passe dat dai Bijbel dai wöör ‘rëgen religion’ benutst, weegen soo’n religion is åne falschhët.