Ine Bijbel stäit wat passijre däir upe wild un wat dai lüür måke däire in dat “ën fone wild”. (Mateus 24:3) Dai Bijbel neent dës tijd soo as “lätste dåg” urer “tijd fone ën”. (2 Timóteo 3:1 un Daniel 8:17 un 19)

 Ine Bijbel stäit feel daile däire up dai neemlig tijd passijre. Dit däir wijse dat wij ine lätste dåg sin. (Lucas 21:7) Wiman’s week daile saie wat passijre däire:

 Krijge upe ganse wild. Jësus hät sägt: “Gëgend däit sich stele gëgen anerd gëgend un regirung gëgen regirung.” (Mateus 24:7) Apocalipse 6:4 sägt uk oiwer air wat rijre däir, wat bedüüre däir dai krijge wat der freere wegneeme däire fone Ër.

 Hungersnood. Jësus hät sägt dat “eetwår wart knap”. (Mateus 24:7) Apocalipse sägt oiwer air anerd wat rijre däir, wat bedüüre däir der hunger wat geewe däir up feel steele. (Apocalipse 6:5 un 6)

 Groot ërschütlen. Jësus hät sägt dat ‘ërschütlen passijre däire in aine stel nåne ande’. (Mateus 24:7 un Lucas 21:11) Upe ganse wild dës groot ërschütlen däire nood un dood bringe wat nij ais passijrt wäir.

 Krankhëte. Jësus hät sägt “feel krankhëte” urer slime krankhëte geewe däire un däire dai lüür anhake. (Lucas 21:11)

 Gewaldigkët. Wij waite dat dai lüür ümer gewaldig wääst sin. Åwer, Jësus hät sägt in dai lätste dåg dai lüür däire mër daile måke “wat gëgen dai lei is”. (Mateus 24:12)

 Dai lüür däire dai Ër wat schåre. Apocalipse 11:18 hät sägt dai lüür däire “dai Ër foråse”. Sai däire dit ni bloosig måke weegen dai gewaldigkët urer weegen dai forkërde daile, åwer sai däire uk schåre dat wat God upe Ër måkt hät.

 Dai lüür wööre ümer slechter. In 2 Timóteo 3:1 bet 4, dai Bijbel hät sägt wosoo as dai lüür ware däire: “Dai lüür . . . ware ni dankbår sin, ni reäl, . . . wile ni oiwerain kåme, ware laige, ware sich ni selwst hule krijge, wüütend, åne lijb up dai gaurigkët, daue bedraige, dikköpig, ful mit stols.” Weegen dit, dat is ain “swår tijd taum uuthulen”.

 Familge wat ni ainig ware däire. In 2 Timóteo 3:2 un 3, dai Bijbel hät sägt dai lüür ware ‘kain lijb’ häwe ine familg un dai kiner “ware ni dai papa un mama horge”.

 Dai lüür däire ümer wënige lijb häwe up God. Jësus hät sägt dat “der mëste eer lijb wart al”. (Mateus 24:12) Jësus wul säge dai mëste lüür däire God ni lijbe. Un in 2 Timóteo 3:4 stäit in dai lätste dåg dai lüür “ware mër dat tijdfordrijwen lijbe as God”.

 Dai lüür däire ni leewe soo’s God wil. In 2 Timóteo 3:5, dai Bijbel hät sägt dai lüür leewe däire soo as sai God anbeere däire, åwer däire ni nå leewe nå dat wat God sägt wat richtig is.

 Dai profesijrs fone Bijbel ware beeter forståe. In Daniel, dai Bijbel sägt oiwer “dai lätst tijd” woo feel lüür wule ümer mër dai wårhët waite oiwer dai Bijbel un uk oiwer dai profesijrs. (Daniel 12:4)

 Dai gaure nijges ware upe ganse wild preegt. Jësus hät sägt: “Dës gaure nijges fon [God sij] Regirung ware up dai gans bewånend Ër preegt.” (Mateus 24:14)

 Feel däire spote un däire sich ni ankëre. Jësus hät sägt feel lüür däire ni uppasse an dai daile wat passijre däire wat wijse däire dat dat ën bald dicht raner is. (Mateus 24:37 bet 39) Un 2 Pedro 3:3 un 4 sägt feel lüür däire dåroiwer spote un dit wöör nischt tau eer.

 Dai ganse profesijrs däire passijre. Jësus hät sägt dai ganse profesijrs wat wij hijr fortelt häwe däire up dai neemlig tijd passijre in dai lätste dåg. Ni bloosig wek, åwer ale dai. (Mateus 24:33)

 Jå. Dai daile wat passijre upe wild un uk dai andrer profesijrs wat ine Bijbel ståe, daue wijse dat dai lätste dåg häwe anfånge in 1914, in dat neemlig jår woo dai Airste Wildkrijg anfånge hät. Kijk der video hijr uuner taum forståe wat passijre däir upe wild wat wijse däit dat wij in dai lätste dåg leewe:

 God sij Regirung hät anfånge ane regijre in 1914, im himel. Wat is ain fon dai airste daile wat God sij Regirung måkt hät? Jësus, doir dës Regirung, hät dai Düüwel un dai slechte ängels fon himel ruutersmeete. Dun, däire sai slechte daile bloosig hijr upe Ër måke. (Apocalipse 12:7 bet 12) Doir dai slechte daile wat dai lüür måke daue, koine wij saie dat dai Düüwel eer lenke däit. Dårweegen sin dai “lätste dåg swår tijd taum uuthulen”. (2 Timóteo 3:1)

 Feel lüür sin unruig weegen dës swår tijd. Sai daue sich kopbreeken måke weegen dai lüür daue ni mër ainig t’hoop leewe. Wek häwe angst fon dat wat passijre kan mit dai lüür foiruut.

 Åwer sin andrer lüür wat unruig sin weegen dai daile wat passijre upe wild, åwer häwe hofnung taum dai tijd wat nog kümt. Sai sin sich sicher dat bald God sij Regirung däit dai problems al måke. (Daniel 2:44 un Apocalipse 21:3 un 4) Sai daue mit geduld luure dat dat wat God forspråke hät wirklig passijre däit un daue sich gaud befijne mit Jësus sijn wöör: “Wee foirwärtsgäit bet am lätste wart rert.” (Mateus 24:13 un Miqueias 7:7)