DAI JUUGENDE DAUE FRÅGE
Wosoo ni ümer andenke dat slechte daile passijre daue?
Wat denkst duu oiwer dij?
Duu däist denke dai daile daue ümer richtig geewe
“Ik dau mij ümer sër frööge un dau mij ni bekümre mit feel daile. Ik dau gërn mij grijne un frööge jërer dag.” - Valerie.
Duu däist denke dai daile daue ümer ni richtig geewe
“Ümer wen air gaur dail passijrt ik denk dat kan ni wår sin.” - Rebecca.
Duu däist dai daile saie soo as dai sin
“Dai mësch wat ümer denke däit dat dai daile geewe richtig, dai kan traurig blijwe wen dit ni passijre däit. Dai mësch wat denke däit dat giwt ümer forkërd, dai kan ni fröölig blijwe. Den, is beeter dat ik dai daile sai soo as dai wirklig sin.” - Anna.
Woweegen must duu hijr oiwer grüüwle?
Ine Bijbel stäit: “Wee lustig is mitm härts, tau dem jërer dag is soo as air fest.” (Provérbios 15:15) Dai lüür ware frööliger wen sai sich anhule an dai gaure daile im leewend, ni an dai slechte daile. Soo’n lüür koine feel amigos häwe, weegen kair wil t’hoop sin mit dai wat al tijd oiwer traurig sin.
Åwer lijkerst dai mësch wat bloos sich andenke däit an gaure daile kan uk problems doirsete in sij leewend, soo as:
Dai jornais daue bloos säge oiwer slechte daile soo as krijg, steelerig un andrer swår daile.
Kan sin duu däist problems ine familg doirsete.
Kan sin duu must dij sër anstrenge taum ni forkërde daile måke.
Aine woo’s duu ümgang mit hast kan dij traurig låte.
Wosoo krijgst duu dij drëgt mit dai problems? Dau dij ni anstele soo as dår däit nischt passijre, åwer dau ni bijblijwe bloos andenke an dai problems, weegen dat kan dij sër traurig låte. Duu must dij anstrenge taum dai daile saie soo as dai sin. Jå, duu kast swårhëte doirsete, åwer duu kast dai uk oiwerståe.
Dai gewiter kümt up, åwer nåheer hült dai an. Neemlig soo wij koine problems doirsete, åwer wij krijge dat oiwerståe
Wat kast duu måke?
Dau nij bloos saie dai forkërde daile wat’s duu mökst.
Ine Bijbel stäit: “Is kair upe wild wat ümer måke däit wat richtig is un wat nij ais wat forkërdes mökt.” (Eclesiastes 7:20, Bíblia na Linguagem de Hoje, up briånisch) Forkërde daile måke wil ni säge dat’s duu dörst nischt un mökst ales forkërd. Soo as dai andrer lüür, kan sin duu däist uk slechte daile måke.
Sai dai daile soo as dai sin: Dau beeter ware, åwer dau andenke dat’s duu büst ni åne fëgels. Ain jong wat Caleb hit hät sägt: “Ik dau mij ni anhule an dai forkërde daile wat ik måk, un mit dit kan ik lëre woo in ik beeter ware kan.”
Dau dij ni t’hoopmaine mit dai andrer.
Ine Bijbel stäit: “Dat wij ni groosartig ware, doir andrijwe air sich mit dem andrer t’hoopmaine, un doir grootoogen häwe air oiwer der andrer.” (Gálatas 5:26) Bijler saie wat dijn amigos rinermåkt häwe ine internet un saie dat’s duu ni nöögt woore büst taum t’hoop mit eer sin, dat kan dij traurig un wüütend låte. Duu kast andenke dat dijn amigos sin falsch un koine dij ni lijre.
Sai dai daile soo as dai sin: Duu must waite dat’s duu warst ni nöögt tau ales wat dijn amigos måke daue. Un dai bijler wat’s duu saie däist ine internet daue ni ales wijse oiwer wat dai lüür måke in eer sij leewend. Air määke wat Alexis hit hät sägt: “Ine internet duu däist bloosig dai gaure daile saie wat air rinermökt. Kair däit bijler rinermåke ine internet fon dat wat dai jërer dag måke däit.”
Hul der freere uphaupt ine familg.
Ine Bijbel stäit: “Wen hengiwt, wat up juuch up an kümt, blijwt im freere mit ale.” (Romanos 12:18) Feelmåls duu kast ni aners måke wat dai lüür måke, åwer kast duu uutsuike wat’s duu måke däist. Duu kast ümer wat måke wat der freere hült.
Sai dai daile soo as dai sin: Wen ain problem in dijn familg is, dau ni måke dat dat slimer wart. Wäs in freere mit dijn familg soo as duu büst mit dijn amigos. Air määke wat Melinda hit hät sägt: “Kair is åne fëgel. Hen un wen, wij koine aine argre urer anerd kan oos argre. Wij muite uutsuike of wij der freere hule urer ni.”
Wäs dankbår.
Ine Bijbel stäit: “Wijst dat jij dankbår sin.” (Colossenses 3:15) Dankbår sin däit dij helpe anhule an dai gaure daile in dij leewend un dij ni anhule an dat wat forkërd giwt.
Sai dai daile soo as dai sin: Denk dat’s duu häst problems, åwer denk uk dat’s duu häst gaure daile in dij leewend. Air määke wat Rebecca hit hät sägt: “Jërer dag ik dau air gaur dail srijwe wat passijrt is. Lijkerst dat ik problem häw, ik häw gaure daile woo ik angrüüwle kan.”
Suik gaud dijn amigos uut.
Ine Bijbel stäit: “Slechte ümgang häwe, foråst gaure moors.” (1 Coríntios 15:33) Wen’s duu t’hoopblijwe däist mit lüür wat bloos klåge un slechte daile denke, duu warst soo as dai sin.
Sai dai daile soo as dai sin: Wen oos amigos slime daile doirsete daue kan sin sai ware traurig urer sai daue bloosig slechte daile säge. Is gaud dat’s duu eer mithelpe däist, åwer låt ni dat dij dat angäit. Air määke wat Michelle hit hät sägt: “Wij döre ni t’hoop sin mit lüür wat bloosig maine daue dat slechte daile passijre daue. Dit is ni gaud tau oos.”
Dau mër leese oiwer dit
Ine Bijbel stäit wij leewe ine ‘swåre tijd taum uuthulen’. (2 Timóteo 3:1) Is ni licht tau dij andenke dat gaure daile passijre daue, weegen dai swårhëte wat wij doirsete? Sai dai kapitel 26 fon dat bauk Leew up ümer lustig! mit dai tem: “Woweegen daue sofeel slimhët un sofeel slechte daile passijre?”.
