“Ik häw al forsöcht dai Bijbel leese, åwer bloos saie woo groot as dai is, löt mij åne lust!” - Briana, 15 jåre.

 Däist duu dij uk soo befijne? Den dat wat hijr stäit kan dij sër helpe!

•  Woweegen is gaud dai Bijbel leese?

•  Wosoo kan ik dai Bijbel leese?

•  Wat daue dai andrer juugende säge?

 Bliwst duu åne lust wen’s duu andenke däist dai Bijbel leese? Is licht forståe woweegen as duu dij soo forneeme däist. Dat kan sin weegen dai Bijbel hät mër as duusend bläärer mit feel fijn baukståwe un ni air bijld, dat is gans aners as televison kijke urer dai videos in internet!

 Åwer daue hijr andenke, wen’s duu aine ule kaste fijne däirst, wust duu ni gërn waite wat dår in wäir?

 Dai Bijbel is soo as air kaste mit feel rijkhëte, dai hät feel daile mit groote wërd wat dij helpe taum

•   Gaur uutsuiken måke

•   Sich gaud sin mit dai papa un mama

•   Gaure ümgang häwe

•   Dai unruigkët oiwerståe

 Woweegen kan soo uld bauk oos hüütsendåg helpe? Is weegen “dai gans Sriwt kümt fon God.” (2 Timóteo 3:16) Dat wil säge dat dai formånen fone Bijbel sin dai bester wat geewe däit.

 Airst, dau dai Bijbel gans doir leese. Dat wart dij helpe forståe woo oiwer ais dai Bijbel fortelt. Dat giwt feel moors wosoo dai Bijbel gans doir leese. Wiman’s twai fon dës saie:

•   Duu kast dai 66 buiker leese soo as dai ståe ine Bijbel, air hijner ande, fon Gênesis bet Apocalipse.

•   Duu kast dai Bijbel in ordnung leese soo as dai geschichte passijrt sin.

 Wat’s duu måke kast: Dai apêndice A7 fon dai Tradução do Novo Mundo hät ain list in ordnung mit dai daile wat in Jësus sij leewend passijrt sin.

 Twait, lees air stük ine Bijbel wat besägen hät mit dat wat’s duu doirsete däist. Soo as:

•   Wist duu gaure ümgang häwe? Den, lees dai geschicht fon Davi un Jonatã. (1 Samuel, kapitel 18 bet 20) Nåheer dau forsuike dai frågen antwoore in “Como encontrar amigos leais” un daue saie wat’s duu fon dës geschicht lëre kast.

•   Wist duu hülp taum air pruiwen doirsete? Den, lees dai geschicht fon José un sai wosoo as hai dat måkt kreege hät. (Gênesis, kapitel 39) Nåheer dau forsuike dai frågen antwoore in “Como resistir à tentação, José — Parte 1” un “Acusado injustamente, José — Parte 2”, dau saie wosoo as dij dit helpe kan.

•   Wist duu waite wosoo as dat beeren dij helpe kan? Den, lees dai geschicht fon Neemias. (Neemias, kapitel 2) Nåheer dau forsuike dai frågen antwoore in “Deus respondeu sua oração”, taum saien wat’s duu lëre kast fon Neemias.

 Wat’s duu måke kast: Wen’s duu dai Bijbel leese däist, set dij up ain ruig stel, woo dij nischt forstööre däit un dat’s duu dåroiwer grüüwle kast.

 Dau ain geschicht urer aine Salmo leese un daue saie wosoo as dij dat helpe kan. Soo as, duu kast fråge:

•    Woweegen wul Jehovaa dat dit ine Bijbel stäit?

•    Wat däit dit mij inlëre oiwer wosoo as Jehovaa is un soo as hai dai daile måke däit?

•    Wosoo kan ik dit in mijn leewend benutse?

 Wat’s duu måke kast: Häw ine gedanke wat’s duu måke wist, dau aine dag uutsuike taum dij leesen fone Bijbel anfänge.