भजनसङ्ग्रह ७३:१-२८
आसापले रचेको भजन।+
७३ परमेश्वर इस्राएलको लागि, चोखो मन भएकाहरूको लागि साँच्चै भलो हुनुहुन्छ।+
२ तर मेरा खुट्टाहरूले बाटो बिराउनै लागेका थिए;मेरा पाइलाहरू झन्डै चिप्लेका थिए।+
३ अहङ्कारीलाई देख्दा म डाही भएँ,दुष्टहरूले शान्ति पाएको देख्दा म डाहले भरिएँ।+
४ तिनीहरू सास्ती नभोगी मर्छन्;तिनीहरू हृष्टपुष्ट छन्।*+
५ अरूले जस्तो तिनीहरूले दुःख खेप्नुपरेको छैन+न त अरू मानिसले जस्तो विपत्ति नै भोग्नुपरेको छ।+
६ त्यसैले घमन्ड तिनीहरूको गलाको हार बनेको छ;+तिनीहरू हिंसाको वस्त्र पहिरिन्छन्।
७ दुष्टहरू सुखविलासको जीवन बिताइरहेका छन् र तिनीहरू मोटाएका छन्।*तिनीहरूले आफ्नो मनले चिताएको भन्दा धेरै हासिल गरेका छन्।
८ तिनीहरू गिल्ला गर्छन् र दुष्ट कुरा बोल्छन्।+अहङ्कारी भएर तिनीहरू धम्की दिन्छन्।+
९ तिनीहरू यसरी कुरा गर्छन्, मानौँ, तिनीहरू आकाशजत्तिकै उच्च छन्,तिनीहरूको जिब्रो पृथ्वीमा धाक लगाउँदै हिँड्छ।
१० त्यसैले उहाँका मानिसहरू तिनीहरूतिर फर्कन्छन्र तिनीहरूले दिने प्रशस्त पानी पिउँछन्।
११ तिनीहरू भन्छन्: “परमेश्वरले कसरी जान्नुहुन्छ र?+सर्वोच्च परमेश्वरलाई साँच्चै थाह हुन्छ र?”
१२ हो, ती दुष्टहरूले सबै कुरा सजिलै पाउँछन्।+तिनीहरू आफ्नो धनसम्पत्ति बढाउँदै लैजान्छन्।+
१३ मैले बेकारमा आफ्नो हृदय चोखो राखेछुर निर्दोषतामा आफ्नो हात धोएछु।+
१४ सारा दिन मलाई छटपटी भयो;+बिहानैपिच्छे मैले सुधार पाएँ।+
१५ तर यदि मैले यी कुरा भनेको भएमैले तपाईँका मानिसहरूलाई धोका दिएको हुने थिएँ।
१६ मैले यी कुरा बुझ्न खोज्दाम व्याकुल भएँ।
१७ तर परमेश्वरको शानदार पवित्र स्थानमा* पसेपछिर ती दुष्टहरूको भविष्य कस्तो हुन्छ भनी बुझेपछि म व्याकुल हुन छोडेँ।
१८ निश्चय नै तपाईँले तिनीहरूलाई चिप्लो ठाउँमा राख्नुभएको छ।+तिनीहरू नाश होऊन् भनी तपाईँ तिनीहरूलाई लडाउनुहुन्छ।+
१९ हेर! तिनीहरू अचानक नष्ट हुन्छन्।+डरलाग्दो तरिकाले तिनीहरू अकस्मात् नाश हुन्छन्!
२० निद्राबाट ब्युँझिएपछि सपनामा देखेको कुरा बिर्सिएजस्तैहे यहोवा, तपाईँ जाग्नुभएपछि तपाईँले तिनीहरूलाई सम्झनुहुनेछैन।*
२१ तर मेरो मन कुँडियो+र भित्रैदेखि* मलाई साह्रै पीडा भयो।
२२ म मूर्ख थिएँ र ममा समझको कमी थियो;म तपाईँसामु निर्बुद्धि पशुजस्तै थिएँ।
२३ तर अब म सधैँ तपाईँकै साथमा रहन्छु;तपाईँले मेरो दाहिने हात समात्नुभएको छ।+
२४ तपाईँ मलाई सल्लाह दिएर डोऱ्याउनुहुन्छ+र पछि तपाईँले मेरो सम्मान गराउनुहुनेछ।+
२५ मलाई मदत गर्ने तपाईँबाहेक स्वर्गमा को छ र?तपाईँ मेरो साथमा होउन्जेल मलाई पृथ्वीमा अरू केही कुरा चाहिँदैन।+
२६ मेरो तन र मन कमजोर होलातर परमेश्वर मेरो मनको चट्टान हुनुहुन्छ र सदाको लागि मेरो अंश हुनुहुन्छ।+
२७ साँच्चै, जो तपाईँबाट टाढा हुन्छन्, तिनीहरू नाश हुनेछन्।विश्वासघात गरेर* तपाईँलाई छोड्ने सबैको तपाईँले अन्त गरिदिनुहुनेछ।*+
२८ तर मेरो लागि भने परमेश्वरको नजिक जानु उत्तम छ।+ब्रह्माण्डका मालिक यहोवाका सबै कामको बयान गर्न सकूँ भनेर+मैले तपाईँलाई आफ्नो शरणस्थान बनाएको छु।
फुटनोटहरू
^ वा “तिनीहरूको पेट लागेको छ।”
^ शा., “आँखा बाहिर निस्केका छन्।”
^ शा., “तिनीहरूको छविलाई तुच्छ सम्झनुहुनेछ।”
^ शा., “मिर्गौलामा।”
^ वा “चरित्रहीन भएर।”
^ शा., “चुप लगाइदिनुहुनेछ।”
