Omuhindadhi oshishitwa shopambepo, shoka ihaashi vulu okumonika nomeho getu gokomutse. — Aaefeso 6:11, 12.

Aantu oyendji mboka haya thaneke, ohaya thaneke Satana a fa oshikombo, e na ooniga, omushila nokampani meke lye. Yamwe oyi itaala kutya ethano ndyoka lyOmuhindadhi olya li lya thanekwa tango kaathaneki mboka ya li ko omimvo dhi vulithe 1000, mboka ya li ya nwethwa mo komuthigululwakalo nokeitaalo lyonale.

•  Ombiimbeli oya yelitha ngiini Omuhindadhi?

•  Omanyolo ngoka taga popi kombinga yOmuhindadhi

Ombiimbeli oya popya Omuhindadhi momikalo odhindji dhomufethitho. Shoka otashi tu kwathele tu uve ko uukwatya we, ihe haholokopo lye. Dhimwe dhomomifethitho ndhoka odha kwatela mo:

• Omuyengeli gwuuyelele. Ohi iningi a fa he etele aantu uuwanawa wontumba, opo e ya ningithe ya landule omalongo ge, pehala lyokulandula omalongo gaKalunga. — 2 Aakorinto 11:14.

• Ta ndunduma a fa onime. Oha ponokele nonyanya aapiya yaKalunga. — 1 Petrus 5:8.

• Oshikoko oshinene. Oha tilitha, omunankondo nomuhanaguli. — Ehololo 12:9.