NCIPO 16
Nimuthamale Yehova moorweela wa mwanawe
-
1. Oothanliwa Kristu Yesu
Wi alamuleleke.
Onamureherya elapo
Ekhale ya murecele.
(KOORU)
Nimuthamaleke Yehova
Wi oonivaha Mwanawe.
Hankooni oothene niiwelele
Omwene wa Muluku.
Nimuthamaleke Yehova,
Mwanawe onnalamula.
Yesu onarwa anivuluxa
Mu yoocheka ni woova.
-
2. Yaale anaya wirimu,
Aavahiwa Omwene.
Wi vamoha ni Yesu Kristu
Elamulele elapo.
(KOORU)
Nimuthamaleke Yehova
Wi oonivaha Mwanawe.
Hankooni oothene niiwelele
Omwene wa Muluku.
Nimuthamaleke Yehova,
Mwanawe onnalamula.
Yesu onarwa anivuluxa
Mu yoocheka ni woova.
(Moone tho Masi. 29:4; Isa. 66:7, 8; Yoh. 10:4; Wup. 5:9, 10.)
