Salmu 11:1-7
Wa muhooleli a macipo. Salmu a Tavite.
11 Miyaano kichawenle wa Yehova.
Vano, munawerya hai oloca wa miyo* muriki:
“Ochawele* omwaako ntoko palame?
2 Woone mukhalelo achu oonanara murima anookolaaya munra;Awo annahela nivaka naya va mukoini,Wi mweepiiphini, yaavonyerye yaale ari awookololowa murima.
3 Vaavaa mathipelo* anamwaryiwaaya,Awookololowa murima eni yeere eheeni?”
4 Yehova ori mu empa awe yaweela.
Munyukhu wa Yehova ori wirimu.
Miitho awe annawoona, miitho awe awaarya* annawaalikhela anamwene a achu.
5 Yehova onnawaalikhela awookololowa murima ni oonanara murima,Owo* onnamwiica yoole onasivela nlala.
6 Wa achu oonanara murima owo onamwaarupihela miraakho;*Mooro, enxofre ni echeku yooviha tari makupa awo anahaalaaya waakhela.*
7 Yehova tawookololowa; owo onnasivela saweera sawookololowa.
Awookololowa murima anarwa yoona ethoi awe.*
Inoota
^ Naari: “olocela okumi aka.”
^ Mu Ehepiri, “Muchawele.”
^ Naari: “mathipelo a ekhaikhai.”
^ Naari: “oovarerya.”
^ Naari: “Okumi awe; Omuchu awe.”
^ Naari akhweya: “makalume a mooro.”
^ Mu Ehepiri, “tinri nikupa na koopho aya.”
^ Naari: “anamukhalano mahala awe.”
