Salmu 132:1-18
Ncipo na Owelano.
132 Khwoo Yehova, mmuupuwele TaviteNi makacamiho awe oothene,
2 Mmukhalelo owo aalipenleiye wa YehovaNi aapankeiye nlakano wa Ooweryaxa a Yakopo:
3 “Nkini kivolowe mmuxakalani mwaka, mpa mwaka.
Nkini kikone va munlini vaka, vakaamani vaka;
4 Nkeemererya wi miitho aka erupeNaari mano wiichuuwiha makwiikhwi aka,
5 Ophiyerya kiphwannye nipuro ntakhara Yehova,Nipuro naphaamaxa na* okhalavo Ooweryaxa a Yakopo.”
6 Nohiiwa elociwaka sa yoowo* o Efrata;Hiyaano nomphwanya makupa ootakhwani.*
7 Hankooni nivolowe mu nipuro nawe nookhalamo,*Nikokhore va manaani awe.
8 Vinyani, khwoo Yehova, nave murwe va nipuro nanyu nawiichuuwavo,Nyuwo vamoha ni Arka a owerya wanyu.
9 Anamukucho anyu eware wookololowa,Nave oororomeleya anyu ekhuwele moohakalala.
10 Wa nthowa na Tavite, mulapeli anyu,Muhimukhooce* oothanliwa anyu.
11 Yehova oolipela wa Tavite;Owo chiryene hooceela waakhwaniherya masu awe:
“Mmoha a muyareriwo aaKinammukuha va munyukhu aa.
12 Wakhala wi anamwane aa annakhapelela nlakano nakaNi ochariha sawuupuxerya kinaahusihaaka,Anamwane aya thoAnamukiraathi va munyukhu aa okhala wookhala.”
13 Tiwi Yehova omuthanlile Siyoni;Owo oomuchunaxa ntoko nipuro nawe nookhalavo nave ooloca:
14 “Nna nipuro naka nawiichuuwavo okhala wookhala;Kinamukhalaka vaavaa, woona wi ela yoochuna aka.
15 Kinammureeliha yoowo ni yoolya yawaakhwanela;Kinamwaavoniha achu awe oohaawa ni epaau.
16 Anamukucho awe, kinamwaawariha nivuluxo;Nave oororomeleya awe anamukhuwela moohakalala.
17 Weiwo kinamweeriha winnuwa owerya wa* Tavite.
Kinamurehererya muthiko wa oothanliwa aka.
18 Kinamwaawariha wuuliheya muru amwiicani awe,Nyenya korowa ori mmuruni mwawe, onamphuwela ithutu.”
Inoota
^ Naari: “Tapernakulu mutokotoko a.”
^ Woonaru onaahiwa Arka.
^ Naari: “mu imaca sootakhwani.”
^ Naari: “tapernakulo awe mutokotoko.”
^ Naari: “Muhimurere eculi.”
^ Mu Ehepiri, “nyaka na.”
