Salmu 135:1-21
135 Mmucicimihe Yehova!*
Mucicimihe nsina na Yehova;Mumvahe ncicimiho, nyuwo alapeli a Yehova,
2 Nyuwo munarumeela* mu empa ya Yehova,Mmayateni a empa ya Muluku ahu.
3 Mmucicimihe Yehova, woona wi Yehova taphaama.
Mwiipe macipo oocicimihano* nsina nawe woona wi nlo ti noohakalaliha.
4 Tiwi Yehova ohithanlela Yakopo,Isarayeli ntoko muhakhu awe wa vameekhaaya.*
5 Miyaano koosuwela phaameene wi Yehova mutokweene;Apwiya ahu atokweenexa waapwaha amiluku oothene akina.
6 Yehova onnapaka soothene onachuneiyeWirimu ni veelaponi, mu iniya ni mmapuro oothene awiisa.
7 Owo onnaweliha mahuruku* ovinyerya weiwo elapo ekotenlaayawo;Onnapaka overunya ntakhara* epwila;Onnakumiha echeku mmapuro awe onakhapeleleiyemo.
8 Owo aawiipha anamwane oopacerya oyariwa o Yikuputu,A achu ni a axinama.
9 Owo aapaka ineneeryo ni sootikhiniha veeri vaa, weyo Yikuputu.
Wa Farawo ni wa alapeli awe oothene.
10 Owo aavootha maloko mancipaleNave aawiipha mamwene oowerya:
11 Sihoni, mwene a Amori,Oki, mwene o Pasa,Ni omwene woothene wo Kanani.
12 Owo aavaha elapo aya ntoko yoohiyeryiwa,Yoohiyeryiwa wa Isarayeli, nloko nawe.
13 Khwoo Yehova, nsina nanyu ninniikhalelaru okhala wookhalaKhwoo Yehova, ovuwa wanyu onniikhalelaru* wa miyareriwo soothene.
14 Tiwi Yehova onanwaakiha* achu aweNave onamukhalano niphwanya wa* alapeli awe.
15 Soophwaniherya sa maloko ti sa eparata ni ooru,Muteko wa matata a achu.
16 Sookhalano eyano, nto hinnawerya oloca;Miitho, nto hinnawerya woona;
17 Sookhalano maaru, nto hinnawerya wiiwa.
Mwaano mwaya hiwaamo nwiya.
18 Achu yaawo anapaka anahaala okhala ntoko seiho,Vamoha ni oothene yaawo anaroromela seiho,
19 Weyo empa ya Isarayeli, omucicimihe Yehova.
Weyo empa ya Aroni, omucicimihe Yehova.
20 Weyo empa ya Levi, omucicimihe Yehova.
Nyuwo munamoova Yehova, mmucicimihe Yehova.
21 Yehova acicimihiwe o Siyoni,Yoowo onakhala o Yerusalemu.
Mmucicimihe Yehova!
Inoota
^ Mu Ehepiri, “Aleluya!” Nsu nla nookhalano marepeliwo ookhuveya a nsina, Yehova.
^ Naari: “muneemela.”
^ Naari: “Mpakele macipo.”
^ Naari: “woosiveliwa.”
^ Naari: “mwiixi.”
^ Naari akhweya: “Onnapaka milako sa.”
^ Naari: “nsina nanyu ninniikhalelaru.”
^ Naari: “onamuthoriha mulacu wa.”
^ Naari: “onamwaathananela.”
