Salmu 143:1-12
Salmu a Tavite.
143 Khwoo Yehova, nwiriyane nivekelo naka,Mwiiwe yooveka aka ntakhara nikhaviheryo.
Mukaakhule mwawiiwanana ni ororomeleya wanyu ni wookololowa wanyu.
2 Muhikithorihe, woona wi haavo ori mukumi onaweryaOkhala awookololowa vamiithoni vanyu.
3 Tiwi mwiicani onnakiikara,*Oonyaanyerya okumi aka vachayani.
Ookititeliha okhala mweepiiphini, ntoko yaale akhwile khalai.
4 Ikuru saka sinnamala,*Murima aka wooceecheya mpuwa mwaka.
5 Kinnuupuwela ilukuluku sakhalai;Kinnuupuwelela saweera sanyu soothene;Kinnuupuwelela moochuna* miteko sa matata anyu.
6 Kinnookolela matata aka wa nyuwo;Kiri* ntoko echaya yoovelavela, yeeyo erino nthanana wa nyuwo. (Selaha)
7 Mukaakhule mwawaakuveya, khwoo Yehova;Ikuru saka sinnaphiya* omakuchuwelo.
Muhiipithihe ethoi anyu wa miyo.
Mweerano yeeyo kinahaala okhala ntoko yaale anakhuruwela munlicini.*
8 Mukeerihe wiiwa osivela wanyu woororomeleya woosiiselo,Woona wi kinnoororomelaani nyuwo.
Mukisuwelihe ephiro yeeyo kinaphwanelaaka weecakamo,Ntakhara kootikitherya okumi aka mwa nyuwo.*
9 Mukoopole wa amwiicani aka, khwoo Yehova.
Kinnaavya okhapeleliwa ni nyuwo.
10 Mukihusihe opaka yookhwela anyu,Woona wi nyuwo mwa Muluku aka.
Munepa anyu ti waphaama;Owo okihoolele mu nipuro nookhapeleleya.*
11 Wa nthowa na nsina nanyu, khwoo Yehova, munnakikhapelela.
Mu wookololowa wanyu, munnakaakiha* wa sawuukhula.
12 Mu osivela wanyu woororomeleya, mwaamalihe* amwiicani aka;Mwaatoloxe oothene yaawo anakihoosa,*Woona wi ka mulapeli anyu.
Inoota
^ Naari: “onniikara okumi aka.”
^ Naari: “Munepa aka onnamala.”
^ Naari: “Kinnahuserya.”
^ Naari: “Okumi aka ori.”
^ Mu Ehepiri, “Munepa aka woophiya.”
^ Naari: “mmahiye.”
^ Naari: “Ntakhara kinnaweliha okumi aka wa nyuwo.”
^ Naari: “mu elapo yawookololowa.”
^ Naari: “munnaakiha okumi aka.”
^ Mu Ehepiri, “mwaamaalihe.”
^ Naari: “anahoosa okumi aka.”
