Salmu 91:1-16
91 Yoowo onakhala mu nipuro nawiipitheya na AwiirimurimuOnamphwanya nipuro nawiipithavo mmuuruusi wa Aikuru Soothene.
2 Kinamuloca wa Yehova: “Nyuwo muri voochawelavo vaka ni nipuro naka noolipihiwa,Muluku aka, yoowo kinamuroromelaaka.”
3 Tiwi owo onamoovulusa mmuraakho wa mulipa osaya ipalame,Wa ereca yootoloxa.
4 Owo onamookhuneela ni mapururu* awe,Nave weyo onamuchawela vathi va muuphelo awe.
Ororomeleya wawe onamukhala eyaakiho etokweene ni exiri yookhapelela.*
5 Weyo honi wooveke sawoopopiha sa ohiyu,Naari mano nivaka nnavava othana,
6 Naari ereca eneeceeca mu epiiphi,Naari mano otoloxa oneereya othana.
7 Achu ncikhwi* anammorela mmakupaa,Nave achu macikhwi khumi* anammorela ontata naa noolopwana,Nto weyo ela heweereela.
8 Pahiru oni woone eyo ni meetho aa,Vaavaa oneeraawe weerele onamoona olakiwa wa* achu oonanara murima.
9 Woona wi wooloca oriki: “Yehova ti nchawelo naka,”
Woompaka Awiirimurimu okhala nipuro naa nookhalavo;*
10 Hiyaavo yoonanara eni yoophacuwele,Nave hiyaavo epahu eni yaacamele musakalaa.
11 Tiwi owo onamwaarumiha ankeelo awe wi yookaphule,Wi yookhapelele mu iphiro saa soothene.
12 Awo anamookaphula mmatani mwayaWi nnaani naa nihikhumule nluku.
13 Onahaala omunyikala mwaco vamoha ni enowa;Onammunyikalela vathi mwaco akuru vamoha ni enowa etokweene.
14 Muluku oriye: “Woona wi owo onnakisivela,* miyo kinammoopola.
Miyo kinahaala omukhapelela ntakhara owo oosuwela nsina naka.
15 Owo onamukiichana nave miyo kinammwaakhula.
Kinamukhala ni yoowo mu ilukuluku sa sawuukhula.
Kinammoopola ni omucicimiha.
16 Miyo kinammusareiha ni ekumi yoolekela,Nave kinahaala omweeriha owo woona saweera saka sa ovulusa.”*
Inoota
^ Naari: “manri.”
^ Naari: “nipuro nookhapeleleya.”
^ 1.000.
^ 10.000.
^ Mu Ehepiri, “wunleliwa ikuhu wa.”
^ Naari akhweya: “nipuro naa noolipihiwa; nchawelo naa.”
^ Mu Ehepiri, “owo ohaataana ni miyo.”
^ Naari: “woona ovulusa wa makupa aka.”
